CURSO DE PANDEIRETA

Nº DE HORAS DE FORMACIÓN:  1 h e media SEMANAL.

CURSO DE INICIACIÓN E PERFECCIONAMENTO NO QUE SE APRENDERÁN DIFERENTES TIPOS DE RITMOS E TOQUES DAS DISTINTAS BISBARRAS, CON MONTAXE DE PEZAS, EXPLICACIÓNS E EXEMPLOS.

 IDADE: A PARTIR DE 6 ANOS, SEN LÍMITE…

 (GRUPOS MÍNIMOS DE 10 PERSOAS)

 PREZO:  20 EUROS/ MENSUAIS

 LUGAR: A CONVIR CO GRUPO

MÁIS INFORMACIÓN: CASA DA CULTURA DE 10 A 13 HORAS. TLF: 981 511065 ou 981 511002

PRAZO DE INSCRIPCIÓN: ANTES DO 14 DE OUTUBRO

CURSO DE GAITA

Nº DE HORAS DE FORMACIÓN:  1 h e media SEMANAL.

O CURSO SERÁ DE INICIACIÓN PARA TOD@S  QUE QUEIRAN INICIARSE NESTE INSTRUMENTO TAN TÍPICO NOSO ( COMÉZASE A TOCAR CUNHA FRAUTA NORMAL)

E DE PERFECCIONAMENTO PARA @S QUE XA SABEN TOCAR E QUEREN MELLORAR A SÚA TÉCNICA.

TAMEN SE IMPARTIRÁN CLASES A TODAS AS PERSOAS QUE QUEIRAN PREPARARSE PARA ACCEDER AO CONSERVATORIO DE MÚSICA.

IDADE: A PARTIR DE 9 ANOS, SEN LÍMITE…

 (GRUPOS MÍNIMOS DE 10 PERSOAS)

PREZO:  25 EUROS MENSUAIS

LUGAR: A CONVIR COS GRUPOS

MÁIS INFORMACIÓN: CASA DA CULTURA DE 10 A 13 HORAS. TLF: 981 511065 ou  981 511002

PRAZO DE INSCRICIÓN:  ANTES DO 14 DE OUTUBRO

INGLÉS LÚDICO

PARTICIPANTES: ALUMNOS DE 3 A 12 ANOS

COMENZO: MARTES 4 OUTUBRO

• PRAZAS LIMITADAS, ATENDENDO A ORDE DE INSCRICIÓN

PREZO: 10 €/MES

REQUISITOS: Estar empadronados neste Concello.

INTERESADOS DIRIXIRSE A Concellería de Muller e Benestar Social (Servizos Sociais), en horario de 08:30-14:00, Tef: 981511002

DATA LÍMITE DE INSCRICIÓN: 29 de setembro.

REFORZO EDUCATIVO

Aula de acompañamento educativo en coordinación con C.P.I Camiño de Santiago

PARTICIPANTES: Alumnado do Concello de O Pino, que curse E.P. e E.S.O,

• E preciso que traian cuberta ao Concello a autorización do Departamento de Orientación xa que vai dirixida a alumnos con problemas de aprendizaxe.

COMENZO: 5 OUTUBRO

INFORMACIÓN E INSCRICIÓNS DIRIXIRSE A Concellería de Muller e Benestar Social ( Servizos Sociais), en horario de 08:30-14:00, Tef: 981511002

OBRADOIRO DE BRICOLAXE PARA MULLERES

 Información e Inscricións: Os interesados poderán anotarse na Concellería de Muller e Benestar Social ( Servizos Sociais) ata o 13 outubro .Telef: 981-511002

 A actividade realizarase na parroquia con máis demanda, informandoselle aos anotados ao remate do prazo de inscrición.

 CURSO DE COCIÑA SAUDABLE ( PREFERENCIA PARA  HOMES )

 Información e Inscricións: Os interesados poderán anotarse na Concellería de Muller e Benestar Social ( Servizos Sociais) ata o 13 outubro .Telef: 981-511002

 A actividade realizarase na parroquia con máis demanda, informándoselle aos anotados ao remate do prazo de inscrición.

CURSO DE PATCHWORK   

Nº DE HORAS DE FORMACIÓN:  1 h e media SEMANAL.

CURSO DE INICIACIÓN  (GRUPOS MÍNIMOS DE 10 PERSOAS)

PREZO:  25 € mensuais (material a parte)

LUGAR: A convir co grupo

MÁIS INFORMACIÓN: Casa da Cultura de 10:00 a 13:00 horas.

 TLF: 981 511065 ou   981 511002

PRAZO DE INSCRIPCIÓN: Antes do 30 de setembro.

A visita inclúe agasallos educativosw para todos os cativos das escolas unitarias e os de Primaria do CPI Camiño de Santiago

Papá Noel visita aos escolares do concello de O Pino

O Pino, 20 de decembro.- 150 rapaces de entre 6 meses e 7 anos van recibir mañá a visita de Papá Noel nas súas respectivas aulas. Trátase dunha tradicional ronda que Santa Claus realiza ano tras ano, e que inclúe a parada nas tres escolas unitarias municipais: Castrofeito, Gonzar e Ferreiros, así como no Punto de Atención á Infancia (PAI) e ás clases de Infantil, 1º e 2º no CPI Camiño de Santiago.

Papá Noel recollerás as cartas de todos os cativos e vailles entregar, como xentileza do Concello de O Pino, un agasallo educativo adaptado a cada idade. Os nenos do PAI van recibir xoguetes lúdico-lectivos, e o resto dos rapaces levará para casa un conto en galego da colección “Árbore” de editorial Galaxia.

O Pino, 15 de decembro.- Propostas para todos os gustos e diferentes idades, amén de atractivas e novidosas. Estas son as premisas tidas en conta polo Concello de O Pino para organizar a programación nestas datas de Nadal. O calendario inclúe diversas propostas, que comezaron xa esta semana cunha sesión de títeres para os máis pequenos. A vindeira semana, o día 21, Papá Noel vai visitar as tres escolas unitarias do concello (Ferreiros, Castrofeito e Gonzar), así como os cativos do PAI e aos de Infantil e Primaria do CPI Camiño de Santiago, para recoller as cartas dos rapaces. O Concello agasallará a cada rapaz (de 0 a 7 anos) cun conto en galego.

Precisamente os nenos son os protagonistas do tradicional Festival de Nadal, que se organiza, este ano, o mércores día 22. Será tamén no auditorio do Centro Sociocultural Luis Seoane, a partir das 10:00 horas. No mesmo escenario actúa a Banda de Música de Arca o domingo 26, a partir das 19:30 horas, para interpretar o seu xa clásico Concerto de Nadal. Este ano chega con sorpresas, tras proclamarse a centenaria formación vencedora do IV Certame Galego de Bandas de Música.

A oferta complétase co Festival de Corais que organiza o Coro de Arca, e que vai ter lugar o domingo, 2 de xaneiro, ás 19:30 h. no Centro Sociocultural Luis Seoane. O mércores 5 teremos a tradicional Cabalgata de Reis, que visitará todas as parroquias do concello, para rematar cunha gran festa no polideportivo municipal, a partir das 17:00 horas, con rosca e chocolate quente incluídos.

A todo isto hai que sumar a celebración do denominado “Lecer Nadal”, a partir do xoves 23 de decembro. Ten un horario de 07:30 a 15:30 horas, e pode incluir o almorzo e o xantar dos rapaces. O prezo varía segundo as horas. Consiste en actividades variadas e axeitadas tanto á época como á idade dos rapaces, levadas a cabo nas instalacións do CPI Camiño de Santiago.

V CONCURSO DE FOTOGRAFÍA “CONCELLO DE O PINO”

A Concellería de Educación e Cultura do Concello de O Pino convoca o “V Concurso de Fotografía Concello de O Pino”. Ten o obxectivo de potenciar a creatividade dos veciños/as do municipio, fomentando o coñecemento e disfrute do propio territorio. Convócase en función das seguintes bases:

BASES

I.- O tema das imaxes é calquera relacionado con O Pino e todas as súas parroquias: natureza, patrimonio, actividades, personaxes...etc. As fotografías deberán ser inéditas. Establécense tres categorías:

·     Personaxes

·     Natureza

·     Patrimonio

II.- O xurado valorará especialmente a calidade artística dos traballos presentados.

III.- Os traballos presentaránse nun sobre pechado cun lema ou título escrito por fóra e ben especificada a categoría. No seu interior incluirase a imaxe ou imaxes presentadas, e noutro sobre pechado, a identidade do autor e datos de contacto.

III.- As fotografías poden ser en cor ou branco e negro. Non se admiten diapositivas. Deben presentarse impresas, cun tamaño de 15 x 20 cm. (sen marco físico; é indiferente o marco branco que inclúen algunhas impresións). Non se admitirán fotografías de menor ou maior tamaño. No dorso do sobre onde se inclúan, poñerase unicamente un lema ou título. Quedarán anulados os sobres que leven á vista o nome do autor/a da imaxe.

IV.- Todas as imaxes presentadas pasarán a formar parte dun arquivo creado para uso municipal, e poderán ser expostas, divulgadas ou reproducidas, citando sempre o nome do autor ou autores. Utilizaranse na elaboración do calendario municipal 2011.

V.- Cada participante poderá concorrer cun máximo de tres fotografías en cada categoría.

VI.- O prazo de admisión remata o venres, 10 de decembro de 2010, ás 14:00 horas.

VII.- As fotografías deben presentarse na Biblioteca Municipal situada no Centro Sociocultural Luis Seoane (Rúa do Peregrino, nº 10, Pedrouzo, Arca, CP 15821) en horario de 10 a 12 ou de 18 a 19:30 ou na Aula de informática do Concello (Rúa do Concello, s/n, Arca, CP 15821) en horario de 12 a 14 ou de 16:30 a 18 horas. Se se envían por correo, débese indicar por fóra “V Concurso de Fotografía Concello de O Pino”.

VIII.- O fallo do xurado é inapelable. Estará conformado por un grupo de cinco persoas: o Alcalde, a Concelleira de Educación e Cultura e tres persoas relacionadas co mundo da arte ou da fotografía.

IX.- Establécense os seguintes premios:

Categoría Personaxes:

·     1º Premio: 125 euros.

·     2º Premio: 75 euros.

·     3º Premio: 50 euros.

Categoría Natureza:

·     1º Premio: 125 euros.

·     2º Premio: 75 euros.

·     3º Premio: 50 euros.

Categoría Patrimonio:

·     1º Premio: 125 euros.

·     2º Premio: 75 euros.

·     3º Premio: 50 euros.

X.- A entrega de premios realizarase nun acto cuxa data e hora será comunicada a todos os presentados oportunamente.

XI.- A participación neste concurso implica a aceptación das bases.

O Pino, novembro de 2010

XI FESTA DO GALO DE O PINO E XI MOSTRA CABALAR

Sábado, 31 de Xullo e Domingo 1 de Agosto de 2010

Sábado, 31 de xullo

11:30 Apertura do Mercado Celta. Xogos e talleres demostrativos. Prácticas de tiro con arco.

12:00 Inauguración con música en directo de gaitas e percusión. Malabaristas.

13:00 Visita aos artesáns e postos da Feira Celta e da Festa do Galo por parte do pregoeiro, D. Roberto Varela acompañado das autoridades municipais.

13:30 Pregón de inicio da Feira Celta a cargo de D. Roberto Varela, Conselleiro de Cultura e Turismo.

14:00 Descanso.

18:00 Apertura Mercado Celta. Animación: “A dama Celta”.

19:00 Contacontos.

20:30 Animación: “Os druídas”.

22:30 Espectáculo de lume: “Pasarrúas Negro”.

23:00 Queimada.

Domingo, 1de agosto

08:30 Bombas de palenque.

10:30 Apertura da X Feira de Galos Vivos. Inscricións ata as 11:30 horas.

11:00 Pasarrúas.

11:30 Apertura Mercado Celta. Xogos celtas e tradicionais. Prácticas tiro con arco.

13:00 Animación teatral: “Os feroces guerreiros”.

13:00 Degustación gratuita de galo de O Pino nos postos habilitados na festa.

13:30 Pregón da XI Festa do Galo e da XI Mostra Cabalar a cargo de D. Carlos Negreira, presidente do Partido Popular na provincia de A Coruña.

14:00 Entrega de premios aos gañadores da X Feira dos Galos Vivos.

14:30 Sesión vermú.

15:00 Xantar popular baixo a carpa instalada dentro do recinto do C.P.I. de Arca.

17:00 Re-apertura do Mercado Celta.

18:30 Carrusel ecuestre infantil a cargo de Hípica Amazonas.

19:00 Gran Gala Musical na Praza de Forcarei coas actuacións de Nuria Fergó, Raúl, Lucía Pérez e o grupo pop M3 de Vigo.

20:00 Entrega de premios aos gañadores da XI Mostra Cabalar.

22:00 Malabares e Pasarrúas final.

A cita reúne cada ano na emblemática Carballeira da Magdalena a máis dun milleiro de veciños do municipio

O Concello de O Pino celebra a XIV Xuntanza de Maiores

O Pino, 8 de xullo de 2010.- A carballeira da Magdalena, en Castrofeito, é o escenario escollido para a celebración, este sábado día 10 de xullo, da XIV Xuntanza dos Nosos Maiores do Concello de O Pino. A cita congregará a máis dun milleiro de persoas, que asistirán primeiro, ás 13:00 horas a unha misa, para a continuación desfrutar da Banda de Música de Arca e dun xantar de confraternidade. A sobremesa estará amenizada pola Agrupación Musical Lira de San Miguel de Oia-concerto ofrecido polo Xacobeo 2010- ademais da celebración do tradicional campionato de tute entre os asistentes que queiran participar.

Durante o acto, serán homenaxeadas catro das persoas de maior idade do municipio. Desta volta son Jesusa Blanco Gómez, veciña de Budiño e nada no ano 1918; María Vaamonde Gacía, de San Breixo de Ferreiros e tamén do ano 18; Jesusa Vázquez Iglesias, natural de San Xulián de Lardeiros e nada en 1919 e Engracia Divina Oza Brocos, de San Mamede de Ferreiros e tamén de 1919.

O acto será presidido polo alcalde, Manuel Taboada, acompañado da corporación municipal. Está previsto, como indicamos, que sexan máis de mil as persoas que participen nesta cita, posto que están convidados a ela tódalas persoas maiores de 60 anos, así como todas aquelas que xa estean xubiladas/os.

A actuación da poetisa galega vai ter lugar ás 19:00 horas no Auditorio do Centro Sociocultural “Luis Seoane”

O Concello de O Pino acolle este dominto o recital de María Canosa dentro do ciclo “Camiños de Amor e Lúa”

O Pino, 18 de xuño.- O Auditorio do Centro Sociocultural Luis Seoane acolle este domingo, día 20 de xuño, a partir das 19:00 horas un dos recitais que o programa “Camiños de Amor e Lúa” está a levar por diferentes concellos galegos polos que discorre algún dos Camiños a Santiago. En O Pino teremos a oportunidade de desfrutar do recital dunha das voces máis prometedoras do panorama literario galego no eido poético: a de María Canosa. Unha enxeñeira de Camiños de 31 anos que xa publicou varias obras como Bramido Maino, A pedra de seixo, Faíscas ou Entre papoulas, amén doutras moitas colaboracións.

Este programa ten como obxectivo fomentar o hábito da lectura, amenizar a ruta aos peregrinos así como promocionar a cultura literaria galega entre os visitantes e os residentes nos diferentes concellos que vai visitando. Neste caso, en O Pino, concorren o Camiño Francés, e os finais case da ruta do Norte e do Camiño Primitivo. O recital é completamente gratuito.

Imaxe de María Canosa