Presentamos  o programa de actividades culturais e deportivas previstas para os vindeiros días 28 e 29 de decembro. O lugar elexido para as mesmas será o POLIDEPORTIVO MUNICIPAL; o horario será de 16:00 a 19:00 horas do serán. Con ENTRADA LIBRE e GRATUITA, a proposta que a continuación expoñemos vai dirixida a tódalas idades:

CATEGORÍAS DE COMPETICIÓN

-          Benxamín:         nados no 2001/02

-          Alevíns:              nados no 1999/2000

-          Infantil:               nados no 96/95

-          Cadete:              nados no 94/93

-          Adultos:             amén poderán participar.

Agardamos que todo sexa do seu agrado.

DEPARTAMENTO DE DEPORTES

CONCELLO DE O PINO

 NADAL O PINO 2009


- Curso de Cociña de Nadal. Inicio: 15 decembro. Lugar: Local Social de Gonzar. Horario: 16:00 a 18:00 h.
- Luns 21: Visita de Papá Noel ás escolas unitarias, ó PAI e ao CPI Camiño de Santiago.
- Martes 22: Festival de Nadal escolar.Centro Sociocultural Luis Seoane.10:00 h.
- Lecer Nadal: programa de conciliación. Dias: 23, 24, 28, 29, 3 e 31 de
decembro; 4, 5, 7 e 8 de xaneiro. Actividades diversas. Inicio: 07:30 h.
ata 15:30. Con almorzo e xantar incluídos. Información: 981511002.
- Domingo 20: Teatro coa compañía "Os Terremotos de Lamas" (Boqueixón). 18:00 h. Centro Luis Seoane.
- Sábado 26: Concerto de Nadal da Banda de Música de Arca.
- Martes 29: Maxia con Xacobe Sanz. Espectáculo: "Se non o les, non o cres". Hora: 18:00. Centro Luis Seoane.
- Domingo 3 de xanero: Festival de Corais. Organiza: Coro de Arca. 19:00 horas. Centro Sociocultural Luis Seoane.
- Martes, 5 de xaneiro: Cabalgata de Reis. A partir das 17:00 h. gran festa no polideportivo municipal.
- Sábado 9 de xaniro: Maxia. Cayetano LLedó presenta "Feira máxica Lafayette". Hora: 18:00. Centro Sociocultural Luis Seoane.

BENVIDOS veciños e veciñas ó primeiro programa anual de CONCILIACIÓN FAMILIAR do Concello de O Pino, un  PROXECTO de actividades dirixidas a tódalas familias que polas súas circunstancias persoais teñan dificultades para compaxinar a vida laboral e familiar. As épocas vacacionais (Nadal, Semana Santa e Verán) supoñen un esforzo por parte de todos nós por buscar actividades de entretemento e ocio para os nosos cativos.

O Concello desexa dar unha alternativa lúdica e educativa a ese problema, xa que o apoio ás familias é un dos obxectivos que tratamos de cumprir a través dos Departamentos Municipais de Servicios Sociais, Cultura e Deportes, ofertando actividades impartidas por educadores especializados e dirixidas ós fillos e fillas das familias dos nosos veciños.

As actividades a desenvolver neste programa son ante todo un apoio escolar, pero comprenden tamén un aspecto lúdico, cultural e educativo que fomenta valores tan importantes como o RESPETO, a COOPERACIÓN e a SOLIDARIEDADE entre os alumnos, favorecendo así a CONVIVENCIA FAMILIAR e facilitando a INTEGRACIÓN dos mesmos.

Agardo que todo o que se oferta nesta programación encha ese oco que se produce nos períodos vacacionais dos nosos fillos, para que academos deste xeito unha satisfacción plena na nosa vida familiar e laboral.

Recibide un agarimoso saúdo.                                                                                                         

O Alcalde

Manuel Taboada Vigo

CARACTERÍSTICAS XERAIS DOS PROGRAMAS DE CONCILIACIÓN FAMILIAR

DESTINATARIOS e ACTIVIDADES

As actividades ofertadas nesta programación irán dirixidas os nen@s de idades comprendidas entre 3 e 12 anos. As actividades comprenderan todo tipo de obradoiros, xogos, actividades deportivas, manualidades…

LOCALIZACIÓN

Empregaranse para desenvolver as actividades do programa, tanto as instalacións do Centro Escolar (CPI Camiño de Santiago) onde os nen@s desenvolven a súa actividade diaria, como aquelas instalacións municipais que reúnan os requisitos necesarios para levar a cabo a programación (Casa da Cultura, Polideportivo Municipal, Piscina Municipal,…).

DATAS

As actividades realizaranse durante o curso Escolar 2009/10, que abarca desde o 10 de setembro de 2009 ó 10 de setembro de 2010 aproveitando os períodos vacacionais escolares:

Ø          LECER NADAL:             23, 24, 28, 29, 30, 31 de decembro de 2009;4, 5,  7 e 8 de xaneiro de 2010.

Ø          LECER PRIMAVEIRA:  29, 30, 31 de marzo e 5 de abril de 2010.

Ø          LECER ESTIVAL:          23, 24, 25, 28, 29 e 30 de xuño de 2010.

Ø          ESCOLA DE VERÁN:    meses de xullo e agosto e primeira semana de setembro.

 INSCRICIÓNS

As inscricións realizaranse nas datas que indican cada programación na Casa do Concello en horario de 9 a 14 horas ou a través do teléfono de información 981 511002.

LECER NADAL

(23,24,28,29,30,31 de Decembro- 4,5, 7 e 8 de Xaneiro )

Prazo de inscrición: do 1 o 15 de Decembro no Concello

LECER PRIMAVEIRA

(29,30,31de Marzo e 5 de Abril)

Prazo de inscrición: do 1 o 15 de Marzo

LECER VERÁN

(23,24,25,28,29 e 30 de Xuño )

Prazo de inscrición: do 1 o 15 de Xuño

ESCOLA DE VERÁN

QUENDAS:

§        Primeira quenda: do 1 o 15 de Xullo. Prazo de inscrición: do 1 ò 15 de Xuño

§        Segunda quenda: do 16 ó 31 de Xullo. Prazo de inscrición: do 1 ó 15 de Xuño

§        Terceira quenda: do 1 ó 15 de Agosto. Prazo de inscrición: do 15 ò 30 de Xuño

§        Cuarta quenda: do 16 ó 29 de Agosto. Prazo de inscrición: do 15 ó 30 de Xuño

§        Quinta quenda: do 30 de Agosto ó 9 de setembro. Prazo de inscrición: do 15 ó 30 de Xuño

Maratón do xogo Pro Evolution Soccer 9

Data: Sábado, 17 de outubro

Lugar: Local Parroquial de Arca

Inscrición: o mesmo día, de 16:00 a 16:30. Comezo do xogo ás 16:40.

Prezo: 1€

Premio: Pro Evolution Soccer 10

Durante as partidas os que queiran poden facer tamén manualidades o xogar a diferentes xogos de mesa.

Iº Curso de cociña con Nacho, do Restaurante O Acivro

Reunión o martes, día 20, ás 17:00 horas no Local Parroquial de Arca, para fixar as datas e horario das clases. En caso de non poder asistir, pódese obter máis información no teléfono 981 51 10 03 ou falando co propio Nacho. Os grupos serán reducidos, o prezo é de 10€ e a duración oscilará entre os 2 e 3 meses, dependendo da demanda do alumnado.

Organiza: Cáritas Parroquial de Arca e O Pino

Máis de cen rapaces do concello asisten á sesión de títeres "Perico, o Cangrexo" no Centro Sociocultural Luis Seoane

Os rapaces de 3 a 8 anos do CPI Camiño de Santiago, así como os pertencentes ás escolas unitarias de Boavista (Ferreiros), Castrofeito e Gonzar, asistiron esta mañá no Centro Sociocultural LUis Seoane a ver a sesión de títeres "Perico, o Cangrexo". Foi a primeira dunha longa serie de representacións que a Xunta, a través da Dirección Xeral de Política Lingüística e a editorial Ir Indo van desenvolver por numerosos municipios galegos.

É un programa de dinamización lingüística, que pretende poñer en valor o poder da palabra, a través da riqueza da nosa tradición oral. Basease no libro de Amparo Gómez, "Perico o cangrexo", publicado por Ir Indo na colección "Contos da tía Rosario". Todos os nenos que asistiron recibiron o libro como agasallo, para que poidan desfrutar da súa lectura nos fogares, na compaña de seus pais.

Presentación da obra; de esq. a drta. Manuel Taboada, Xelasio Suárez (xerente de Ir Indo) e as

dúas integrantes de Titirimaña

Gran concerto de apertura da X Festa do Galo e X Mostra Cabalar

O campo de fútbol de Reboredo (Pedrouzo, Arca), é o escenario onde se vai ubicar o gran concerto de apertura das celebracións enmarcadas na X Festa do Galo e X Mostra Cabalar. Trátase dunha gala musical que inclúe as actuacións dos artistas nacionais Tamara e David Civera, así como as dos galegos María Chenlo e Lavorda. Dará comezo ás 23:30 horas, e ten entrada libre.

David Civera é un dos grandes show-man do panorama pop español. Gañador de "Mira quien baila", representante español en Eurovisión, este mozo turolense pode presumir de ter ao público sempre con él, bailando e tarareando os grandes éxitos que vai interpretar sobre o escenario aquí en O Pino. Un disco recopilatorio que, por certo, foi o último que publicou, de momento. Con el estarán as súas bailarinas habituais.

Pola súa banda, Tamara chega dende Sevilla, con 25 anos recén cumpridos e toda unha exitosa carreira ás súas costas. Nestes intres está en plena promoción de "Perfecto", o seu último traballo, no que tamén inclúe, por primeira vez, un tema composto por ela mesma. Sen dúbida, unha das grandes voces da música española dos últimos anos e toda unha dama en escena, combinando serenidade e espectáculo.

María Chenlo é unha moza de Valga, que recentemente se proclamou gañadora do programa da TVG "Choiva de Estrelas", canle para a que traballa tamén como actriz. Garra, forza e letras moi traballadas, compostas por ela mesma, é o que imos poder ver no escenario cando saia esta muller.

Previamente, e como aperitivo da gala, poderemos desfrutar da música doutro grupo galego. Son os pontevedreses (de Cangas) Lavorda.

A gala vaise realizar sobre un gran escenario de 16 x 12. Contará con 3 pantallas xigantes, onde se van combinar as imaxes tomadas, en directo, por 4 cámaras profesionais. Contará cunha iluminación de 40 cabezas móbiles e dous cañóns de luz para o seguimento dos artistas. O son será de 60.000 W de potencia.

O Concello celebra este sábado o Día do Neno

A Praza do Concello é o lugar onde este sábado, día 18 de xullo, a partir das 18:00 horas, se vai levar a cabo o xa tradicional Día do Neno. Será cunha tarde de entretemento para os máis cativos, que inclúe a posibilidade de que desfruten de diferentes inchables así como divertidos xogos, entre eles algún popular e outros de orientación. Como é habitual, a cita é de entrada libre para todos os interesados. Inclúese dentro do programa de verán posto en marcha polo Concello para esta época estival.

Actuación da Banda Xuvenil de Barro este domingo no Auditorio do Centro Sociocultural Luis Seoane

O Auditorio do Centro Sociocultural Luis Seoane (Pedrouzo-Arca) acolle este domingo, día 19 de xullo, a partir das 19:00 horas, un concerto da Banda Xuvenil de Barro. Trátase dunha actuación a realizar no municipio grazas ao programa "Vai de Camiño", organizado polo Xacobeo/Consellería de Cultura. Estamos xa na cuarta edición deste ciclo de espectáculos, que perseguen levar manifestacións artísticas aos concellos de toda Galicia polos que pasan os camiños xacobeos ao tempo que se apoia aos artistas galegos e se impulsa a nosa industria cultural e do espectáculo. A entrada é libre.