Novas

Solicitude de prazas ata o 12 de cuño para o Programa de Vacación da Terceira Idade



Os veciños do Pino que desexen participar no Programa de Vacacións da Terceira Idade 2018-2019 deberán presentar a súa solicitude antes do 12 de xuño no Departamento de Servizos Sociais do Concello.

Para inscribirse deberán presentar una fotocopia do DNI do solicitante da praza e do cónxuxe, xustificante da pensión, copia da declaración da renda e fotocopia do certificado de minusvalía, se fose o caso.

No programa de vacacións terceira idade 2018-2019 poden participar as persoas que reúnan os seguintes requisitos:

- Estar empadroada e residente no Pino

- Ter cumpridos 65 anos

- Ser pensionoista de xubilación do Sistema Público de Pensións

- Ser pensionista de viudedade con idade igual ou superior aos 55 anos

- Outros pensionistas do Sistema Público de Pensións e prexubilados con 60 anos cumpridos

- O cónxuxe non é preciso que reúna os requisitos de idade ou pensión

- Admitirase como acompañante a un fillo/a con discapacidade que teña un grado de discapacidade igual ou superior ao 45% sempre que a viaxe a realice cos seus país compartido con eles habitación.

Pódese consultar o bando da alcaldía no arquivo adjunto
Adxuntos:
ArquivoDescriciónTamaño
Descargar este adjunto (20180524_vacacions_terceira_Idade.pdf)Bando_alcaldia_Vacaciones_Terceira_Idade_2018-19 583 Kb

Primeiro concerto da Banda Xuvenil de Música de Arca co gallo das Letras Galegas



As actividades organizadas pola Concellaría de Cultura de O Pino co gallo do Día das Letras Galegas foi a ocasión elixida para que a Banda Xuvenil de Música de Arca ofrecese onte o seu primeiro concerto. O director da agrupación, José María Blanco Pampín, agradeceu a invitación do Concello e sinalou que coa implicación dos mozos e mozas o futuro da centenaria Banda de Música de Arca “ten futuro”, ao tempo que indicou que algúns dos integrantes da Banda Xuvenil xa tocan tamén cos maiores.

Formada por unha vintena de mozas e mozos a Banda Xuvenil de Música de Arca ofreceu un concerto variado, “porque a música é un idioma universal en sí mesmo”, como dixo o director, facendo gozar ao público que asisteu ao auditorio da centro cultural Luis Seoane. Así, interpretaron unha selección dos Blues Brothers e despois trasladaron ao público ao oeste americano con ‘Moment for Morricone’.

Antes da actuación da banda, unha trintena de nenos e nenas puideron gozar coas actividades que lles organizou a Asociación Feitizo, un colectivo do Pino que, de xeito desinteresado, colaborou co Concello oroganizando xogos de pistas e rastreo, crebacabezas, marionetas e un mosaico con obras de María Victoria Moreno, a escritora de orixe extremaño á que este ano se adicou o Día das Letras Galegas.

Podes ver o album de fotos no Facebook do Concello.

Numerosos veciños de O Pino asisten á charla sobre as distancias de plantacións na lexislación galega para a prevención de incendios



Numerosos veciños encheron o auditorio da casa de cultura Luis Seoane para asistir á charla informativa sobre as distancias que deben manter as plantacións na lexislación galega tanto ás estradas como as construcións ou ás zonas agrícolas. Un técnico da consellería de Medio Rural e o axente forestal de zona foron os encargados de orientar aos veciños e darlles información útil.

Un dos principais aspectos no que incidiron tanto os técnicos como o alcalde, Manuel Tabaoda, foi no de recordarlle aos veciños que no caso que reciban unha notificación da Xunta de Galicia para que limpen os montes, unha vez que acometan esa limpeza, “hai que remitirlle un escrito ao organismo correspondente notificándolle que os traballos están feitos. Deste xeito evitarase que o expediente continúe aberto e que ao veciño lle poida chegar unha sanción económica”. O alcalde, que dirixiu o debate, recordoulle aos veciños que no concello hai xa un formulario que os veciños poden cubrir para enviar esta notificación á Xunta de Galicia.

Entre outros aspectos, os técnicos da Xunta recordaron as distancias que marca a lei como franxa de seguridade sobre as estradas, segundo a súa tipificación. Así, recordaron que no caso das estradas da Deputación, hai que deixar unha franxa de 10 metros desde o borde exterior da cuneta antes de empezar a plantación de pino ou eucalipto (no caso de frondosas serían 6 metros). Se a estrada é nacional, no Pino son a N-634 (que vai a Curtis) e a N-547 (que vai a Lugo) a distancia de seguridade é de 13 metros para pinos e eucaliptos e 9 para as árbores autóctonas, contados sempre dende a veira exterior da cuneta. No resto de viais, estean asfaltados ou non, a distancia é de 4 metros dende a beira exterior da cuneta ata os primeiros árbores.

Os técnicos tamén recordaron que a distancia sen árbores a todo tipo de construcións (casas, galpóns, depósitos, etc) ten que ser dun mínimo de 50 metros.

Así mesmo, e entre outros aspectos, os técnicos recordaron que tanto a Lei de Montes de Galicia como a Lei de Prevención e Defensa contra os Incendios Forestais de Galicia, ou o Código Civil, son as que regulan estes aspectos.

Aqueles veciños que queiran ver a cualificación urbanística que teñen as súas fincas para saber a distancias de seguridade que deben manter, poden consultar esta cualificación no concello ou visitando a páxina web http://www.planeamentourbanistico.xunta.es/siotuga/inventario.php.

CURSO MANIPULADOR DE ALIMENTOS

alt
Adxuntos:
ArquivoDescriciónTamaño
Descargar este adjunto (IMPRESO SOLICITUDE.odt)IMPRESO SOLICITUDE.odt 8 Kb

O Pino acolle en maio o programa universitario ‘Camiños de coñecemento e experiencia’

O Concello do Pino participa, xunto con outra vintena de municipos da Coruña e Pontevedra, nas xornadas Camiños de coñecemento e experiencia. O programa vai dirixido a maiores de 50 anos e busca divulgar a presenza da ciencia e da protección do patrimonio no día a día. Desenvolverase durante cinco días na no centro sociocultual Luis Seoane do Pino, en Pedrouzo, e contará coa presenza de profesores da Universidade de Santiago.

Camiños de coñecemento e experiencia é un proxecto para undefineda democratización do coñecemento que busca achegar o ensino universitario a maiores de 50 anos. Varios temas culturais, científicos e de patrimonio centran as cinco xornadas formativas. A primeira delas, que tratará sobre o medio natural, levarase a cabo o día 9 de maio coa participación de José Antonio Rodríguez Añón e Jorge Proupín Castiñeiras, profesores da Facultade de Física compostelá. O día 14, a actividade sairá da casa da cultura, pois consistirá na visita ao Punto Limpo do Concello, coas explicacións dos mesmos profesores.

O día 16 de maio os asistentes poderán presenciar un concerto, da man da profesora da Facultade de Educación Laura Touriñán Morandeira. De volta no centro sociocultural Luis Seoane, Mercedes López-Mayán, da Facultade de Xeografía e Historia, falará de Historia da Cultura de Galicia. Camiños de coñecemento e experiencia remata o día 24 de maio cunha visita ao Arquivo da Catedral de Santiago da man a profesora López-Mayán.

A matrícula nas xornadas é gratuíta. Para inscribirse hai que dirixirse ao departamento de Servizos Sociais do Concello do Pino, situado na casa consistorial, en horario de 8.30 a 14.30 horas. No programa, organizado pola Universidade de Santiago co apoio da Xunta e da Deputación da Coruña, participan os concellos do Pino, Ames, A Baña, A Estrada, Arzúa, Boiro, Brión, Melide, Muros, Negreira, Noia, Ordes, Oroso, Outes, Padrón, A Pobra do Caramiñal, Porto do son, Rianxo e Ribeira.
Adxuntos:
ArquivoDescriciónTamaño
Descargar este adjunto (Programa Camiños de Coñecemento e Experiencia. Concello de O Pino.pdf)Programa Camiños de Coñecemento e Experiencia. Concello de O Pino 1116 Kb

Iván Roade e Edymar Brea gañan a XV Carreira Popular de O Pino



Iván Roade, Edymar Brea, Iria Souto e José Pampín foron esta mañá catro dos protagonistas da XV Carreira Pedestre Popular Concello de O Pino, que contou con máis de medio milleiro de atletas. Os dous primeiros foron os gañadores da categoría absoluta; Iria Souto, a atleta máis nova, con só 18 meses; e José Pampín, o máis veterano, con 72 anos. Na proba de canicross, que abreu a xornada, os gañadores foron Óscar Piñeiro e Mónica Touriño.

A categoría absoluta foi a máis numerosa, ao contar con máis de 340 participantes, e moi concorrida estivo tamén a categoría de Pitufos, nenas e nenos menores de 6 anos que percorreron unha distancia de 300 metros, espertando a admiración e moitos aplausos entre o público asistente.

O canicross foi a proba que abreu a xornada. Quince atletas, acompañados dos seus cans, fixeron un percorrido algo superior aos 3.000 metros, proclamándose vencedores Óscar Piñeiro e Mónica Touriño.

Na categoría absoluta, os tres primeiros postos en categoría masculina foron para Iván Roade, Amadeo Abal e Anxo Castro. En mulleres impúxose Edymar Daniely, seguida de Esther Rodríguez e Carla Castaño. Gustavo Platas, José Canda e Cristian Muiño foron os tres primeiros na categoría Master 1 masculina.

A pesar da choiva houbo un gran ambiente durante toda a mañá nas inmediacións do CPI Camiño de Santiago de Arca, onde se celebraron as probas, nun circuito habilitado que percorría parte do Camiño de Santiago, no que os corredores compartiron algúns metros cos peregrinos.

Na entrega de premios, celebrada nunha abarrotada casa da cultura, houbo trofeos para os tres primeiros de cada categoría, así como para os atletas locais e os primeiros clubes federados.

Clasificacións por categorías

Absoluta masculina: Ivan Roade Lago, Amadeo Abal Chaves e Anxo Castro Varela

Absoluta feminina: Sonia Ayude González, María Serramito Blanco e Laura Santín Santín

Junior sub-20 masculina: Arturo Ramos Rey, Jacobo Dopazo Ferreiro e Jacobo Eirís del Río

Junior sub-20 feminina: Patricie Viadel Turjanicová, Corinne Alsina Forján e Lucía Ordás López

Promesa sub-23 masculina: Borja Castro Hermida, Anxo Lema Saavedra e Daniel Antelo Neira

Promesa sub-23 feminina: Edymar Daniely Brea Abreu, Carla Castaño García e Sara Costa Faya

Master 1 masculino: Gustavo Platas Vidal, José Canda louzao e Luis Iglesias Raña

Master 1 feminino: Esther Rodríguez Díez, Marinela Mayo Caamaño e María del Carmen Rivas Iglesias

Master 2 masculino: ManuelOliver Pérez López, José Antonio Gómez Ríos e Javier Campos Suárez

Master 2 feminina: Natalia Lorenzo Pérez, Elena Miguens Otero e Silvia Mariño Rey

Master 3 masculina: Samuel Veiga IGlesias, Angel José Rodríguez López e Carlos Busto Lobato

Master 3 feminina: Esther Pedrosa, Mirian Ripoll Pernas e Celina Rodríguez Sobrino

Master 4 masculina: Xosé Luis Otero Cepeda, Manuel Calvo Gerardi e JesúsVázquez Rodríguez

Master 4 feminina: Elvira Tresguerras González

Xuvenil sub-18 masculino: Diego Alonso Campo, Iván Abeledo Varela e Daniel Castro Gómez

Xuvenil sub-18 feminino: Alejandra DomínguezMartis e Sabela Rey Miguens

Cadete sub-16 masculino: Pablo Rey Ansemil, Pablo Porteiro Canay e Alejandro Ventosa Bello

Infantil sub-14 masculino: Daniel Loureiro Mosquera, Fernando Franco García e Raúl Touceda Monteagudo

Infantil sub-14 feminino: Carla Magariños Lodeiro, Candela Pereira Seijo e Carolina Abuín Rodríguez

Alevín sub-12 masculino: Simón Fernández Ponte, Andrés Ramos Piñeiro e Alejandro Mira Veiras

Alevín sub-12 feminino: Nerea Martínez naveiro, Natalia Argibay Domínguez e Sara Noya Vidal

Benxamín sub-10 masculino: Juan Loureiro Mosquera, Alvarecho González Sánchez e Iván Fernández Mella

Benxamín sub-10 feminino: Sabela Raposo Fernández, Sira Ayaso parada e Carmen Salvado Diéguez

Fotos da carreira no Facebook do Concello.

Contacontos e xogo de misterio na biblioteca para celebrar o Dia do Libro



O Concello de O Pino celebra o vindeiro sábado o Día do Libro con diferentes actividades na biblioteca municipal que teñen por finalidade promover a lectura entre a veciñanza e a dinamización cultural, ademais de dar a coñecer a propia bliblioteca entre os nenos e nenas a partir de 3 anos.

Así, o sábado, 28 de abril, a partir das 17.00 horas desenvolverase un xogo de misterio, no que os participantes buscarán e deberán atopar as pistas que lles axuden á resolución dun misterio acaecido na biblioteca.

As seis da tarde dará comezo unha sesión de contacontos con Celtia Figueira e un obradoiro de marcapáxinas coa técnica papel de auga; e algunha que outra sorpresa máis.

Os interesados en participar nestas actividades deberán cubrir a ficha de inscrición que se pode descargar ao pé desta nova e entregala na biblioteca ou no Centro Sociocultural Luis Seoane. Tamén o poderán remitir por correo electrónico ao enderezo Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo ou Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo .

Adxuntos:
ArquivoDescriciónTamaño
Descargar este adjunto (20180424_DiaDoLibro_solicitude_actividade.pdf)20180424_DiaDoLibro_solicitude_actividade.pdf 54 Kb

A XV Carreira Pedestre Popular Concello de O Pino celébrase o 29 de abril



O Concello de O Pino organiza o vindeiro domingo 29 de abril a décimo quinta edición da súa Carreira Pedestre Popular, na que poderán participar todas as persoas afeccionadas ao atletismo dende bebés ata veteranos. Haberá tamén una proba de canicross (7 inscritos xa), na que os cans acompañarán aos participantes. Cando faltan dez días, xa se inscribiron máis de 156 atletas nesta proba, que forma parte do VI Circuíto de Carreiras Populares da Deputación da Coruña, e que se celebrará nun circuíto urbano habilitado en Arca, nas inmediacións do colexio público Camiño de Santiago.

A Delegación en Santiago da Federación Galega de Atletismo encargarase do control técnico da proba. A primeira categoría en competir será a de canicross popular, ás 10.00 horas, sobre un percorrido de 3.100 metros. Despois, ás 10.45 horas, tomarán a saída as categorías júnior, promesa, absoluta e máster; seguidos dos cadetes masculinos e xuvenís (11.35). Entre as 12.00 e as 12.30 sairán o resto de categorías (infantil, benxamín, prebenxamín e os pitufos, os menores de seis anos, que desde as 12.30 horas percorrerán unha distancia de 300 metros.

Haberá trofeos para os tres primeiros clasificados de cada categoría (agás na categoría biberón), e para as tres primeiras mulleres e homes da carreira absoluta, así como para o participante máis novo e máis veterano. Haberá tamén premios en metálicos para os participantes nas carreiras júnior, promesa, sénior e máster, así como premios por clubes (sempre que estean federados).

Os interesados en participar na XV Carreira Pedestre Popular Concello de O Pino deberán inscribirse antes das 23.59 horas do xoves 26 de abril na web de Emesports.

Enlaces de interese:

Inscrición na proba

Regulamento

Regulamento Canicross

O Concello de O Pino organiza o programa 'Vai de auga’ todos os mércores de maio



O Concello de O Pino convoca un ano máis o programa Vai de auga para facilitar aos veciños e veciñas do municipio maiores de idade poder coñecer de primeira man os beneficios da balneoterapia e recibir sesións no balneario de Cuntis. Este programa, promovido dende a Concellaría de Educación e Cultura, desenvolverase todos os mércores do mes de maio, con saída en autobús dende a praza do Concello ata o balneario de Cuntis, onde os participantes recibirán sesións. Os interesados en participar deberán inscribirse na biblioteca municipal ou na casa de cultura antes do 28 de abril, estar empadroados no Concello do Pino e realizar unha achega de 70 euros. Se precisan máis información poden chamar ao teléfono 981 511 065 o a través do correo electrónico Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo Durante o pasado ano, máis de trinta veciñas e veciños do Pino participaron neste programa.
Estás en Novas

Utilizamos cookies propias y de terceros para mejorar nuestros servicios y ofrecerle una mejor experiencia en la web. Si continua navegando, consideramos que acepta su uso. Puede cambiar la configuración u obtener más información. Para ver más información sobre las cookies haz clik aquí.

Aceptas las cookies de nuestra web.

EU Cookie Directive Module Information