A iniciativa, que parte do Coro de Arca, reunirá ás agrupacións de Coto da Nai, a coral de Urdilde e á de Santa Eulalia de Senra

O Pino acolle este domingo o cuarto certame de corais

O Pino, 28 de decembro.- Dentro da programación de Nadal organizada polas Concellerías de Educación e Cultura e Deportes, os veciños de O Pino teñen esta fin de semana a oportunidade de asistir ao cuarto Certame de Corais. É unha cita organizada conxuntamente co Coro Santa Eulalia de Arca,e que terá lugar este domingo, 2 de xaneiro, a partir das 19:30 horas, no Auditorio do Centro Sociocultural Luis Seoane. Acompañando á agrupación local estarán a agrupación Coto da Nai, de Aríns, a Coral Polifónica de Urdilde e a coral Santa Eulalia de Senra, dende o concello de Oroso.

O Coro de Arca, anfitrión, actuará dirixido por Daniel Sánchez, e con Adrián Regueiro a cargo da parte instrumental. Cada unha das agrupacións interpretará tres temas, para pechar o acto cunha actuación conxunta, o Himno Galego.

A visita inclúe agasallos educativosw para todos os cativos das escolas unitarias e os de Primaria do CPI Camiño de Santiago

Papá Noel visita aos escolares do concello de O Pino

O Pino, 20 de decembro.- 150 rapaces de entre 6 meses e 7 anos van recibir mañá a visita de Papá Noel nas súas respectivas aulas. Trátase dunha tradicional ronda que Santa Claus realiza ano tras ano, e que inclúe a parada nas tres escolas unitarias municipais: Castrofeito, Gonzar e Ferreiros, así como no Punto de Atención á Infancia (PAI) e ás clases de Infantil, 1º e 2º no CPI Camiño de Santiago.

Papá Noel recollerás as cartas de todos os cativos e vailles entregar, como xentileza do Concello de O Pino, un agasallo educativo adaptado a cada idade. Os nenos do PAI van recibir xoguetes lúdico-lectivos, e o resto dos rapaces levará para casa un conto en galego da colección “Árbore” de editorial Galaxia.

O Pino, 15 de decembro.- Propostas para todos os gustos e diferentes idades, amén de atractivas e novidosas. Estas son as premisas tidas en conta polo Concello de O Pino para organizar a programación nestas datas de Nadal. O calendario inclúe diversas propostas, que comezaron xa esta semana cunha sesión de títeres para os máis pequenos. A vindeira semana, o día 21, Papá Noel vai visitar as tres escolas unitarias do concello (Ferreiros, Castrofeito e Gonzar), así como os cativos do PAI e aos de Infantil e Primaria do CPI Camiño de Santiago, para recoller as cartas dos rapaces. O Concello agasallará a cada rapaz (de 0 a 7 anos) cun conto en galego.

Precisamente os nenos son os protagonistas do tradicional Festival de Nadal, que se organiza, este ano, o mércores día 22. Será tamén no auditorio do Centro Sociocultural Luis Seoane, a partir das 10:00 horas. No mesmo escenario actúa a Banda de Música de Arca o domingo 26, a partir das 19:30 horas, para interpretar o seu xa clásico Concerto de Nadal. Este ano chega con sorpresas, tras proclamarse a centenaria formación vencedora do IV Certame Galego de Bandas de Música.

A oferta complétase co Festival de Corais que organiza o Coro de Arca, e que vai ter lugar o domingo, 2 de xaneiro, ás 19:30 h. no Centro Sociocultural Luis Seoane. O mércores 5 teremos a tradicional Cabalgata de Reis, que visitará todas as parroquias do concello, para rematar cunha gran festa no polideportivo municipal, a partir das 17:00 horas, con rosca e chocolate quente incluídos.

A todo isto hai que sumar a celebración do denominado “Lecer Nadal”, a partir do xoves 23 de decembro. Ten un horario de 07:30 a 15:30 horas, e pode incluir o almorzo e o xantar dos rapaces. O prezo varía segundo as horas. Consiste en actividades variadas e axeitadas tanto á época como á idade dos rapaces, levadas a cabo nas instalacións do CPI Camiño de Santiago.

As nove fotografías seleccionadas polo xurado son as configuran o calendario municipal para o ano 2011

O Pino premia as mellores imaxes do V Concurso de Fotografía

O Pino, 13 de decembro.- Patricia Santos, Marcos Rey e Cristina Guerra son os tres veciños do Concello de O Pino que se veñen de proclamar gañadores dos primeiros premios das tres categorías establecidas no V Concurso de Fotografía que organiza o consistorio. O certame premia as mellores imaxes en tres categorías: Natureza, Patrimonio e Personaxes. Cada un deles recibirá un premio en metálico de 125€. Ademais, foron galardoadas outras dúas persoas en cada categoría. En Patrimonio, o segundo premio foi para Alberto Pampín (75€) e o terceiro (50€), para Cristina Villar. En Natureza, a medalla de prata recibiuna André Díaz (75€) e o terceiro premio foi para Isabel Domínguez. E en Personaxes, o segundo premio foi para Marcos Fernández e o terceiro, para Cristina Guerra.

As fotografías poderán contemplarse proximamente na entrada do Concello de O Pino, ademais de configurar o calendario municipal para este 2011, que se pode recoller de balde nas oficinas municipais (situadas en Pedrouzo-Arca). O acto de entrega de premios terá lugar nunha data próxima.

1º Premio en Natureza. Autor: Patricia Santos

1º Premio Patrimonio. Autor: Cristina Guerra

1º Premio Personaxes. Autor: Marcos Rey.

Trátase dunha montaxe da compañía Títeres Cachirulo baseada na Ruta Xacobea e titulada “Camiño de Aventuras”

O Concello de O Pino organiza unha función de títeres para os rapaces do CPI Camiño de Santiago

O Pino, 10 de decembro de 2010.- Os rapaces de Infantil e Primaria do CPI Camiño de Santiago teñen oportunidade este vindeiro luns, día 13 de decembro, de desfrutar dunha montaxe realizada por Títeres Cachirulo que leva por título “Camiño de Aventuras”. A representación, organizada pola Concellería de Cultura de O Pino, vai ter lugar ás 13:00 horas no Centro Sociocultural Luis Seoane. Inclúese dentro da programación de Nadal do departamento municipal.

Os protagonistas desta montaxe, representada coa técnica da luva chinesa, son Xan Laranxal e a macaquiña Kiku. Eles son os encargados de presentar esta gran aventura que comezou hai cincocentos anos cando, en lugar do Camiño, Gaiferos se topou co Demo, quen o desafiou ao xogo da oca. Tivo sorte dos dados o peregrino, e gañoulle a partida ao Demo, que andivo por todo o Camiño facendo numerosos despropósitos e maleficios para intentar detelo. Ao longo da obra aparecen personaxes como a dama peregrina, a meiga, o cabaleiro templario, o ladrón pantasma ou o príncipe A-bul. A representación durará 55 minutos.

O protagonista da obra

   O Concello de O Pino celebrará o vindeiro venres 12 de novembro nos arredores da CASA DA CULTURA (Centro Sociocultural Luis Seoane) de Arca a tradicional FESTA DO MAGOSTO a partir das 19 horas.

   Haberá castañada e unha gran festa a cal todos os veciños do municipio estarán invitados.

Os asistentes poderán visionar esta cinta, apta para todos os públicos, a partir das 21:30 horas na Praza do Concello

O Concello de O Pino acolle este sábado a proxección da película “Viaje al centro de la tierra” dentro do ciclo “Noites de Cine”

O Pino, 4 de agosto de 2010.- Nova entrega do ciclo “Noites de cine”, de proxeccións ao aire libre, co filme “Viaje al centro de la tierra”. Unha cinta de 93 minutos e apta para todos os públicos. A cita é este sábado, día 7 de agosto, a partir das 21:30 horas na Praza do Concello, en Arca. A película enmárcase dentro do ciclo “Noites de Cine”, que cada verán impulsa a Deputación de A Coruña en colaboración cos concellos. En caso de choiva a representación trasladarase ao Auditorio do Centro Sociocultural Luis Seoane.

“Viaje al centro de la tierra” é unha adaptación da soada novela de Julio Verne e trátase dunha película de acción e aventuras. Está protagonizada por Brendan Fraser, Josh Hutcherson e Anita Briem, dirixidos por Eric Brevig. Cóntanos que durante unha expedición científica en Islandia, o visionario científico Trevor Anderson, o seu sobriño Sean e a súa guía rexional, Hannah, quedan atrapados nunha cova. A única posibilidade de escapar é adentrarse nas entrañas da Terra. Percorrendo mundos xamais vistos, o trío atópase cara a cara con incribles aventuras. Pero a actividade volcánica do lugar é cada vez máis intensa, polo que deberán atopar urxentemente a única maneira de poder voltar á superficie antes de que sexa demasiado tarde.

Os primeiros vinte espectadores terán como agasallo un dvd orixinal de películas galegas.

Un dos fotogramas da película que podemos ver este sábado

II FEIRA CELTA-CONCELLO DE O PINO

PROGRAMA DE ANIMACIÓN

Os asistentes poderán visionar a primeira parte desta exitosa triloxía vampírica a partir das 22:00 horas na Praza do Concello

O Concello de O Pino acolle este sábado a proxección da película “Crepúsculo” dentro do ciclo “Noites de Cine”

O Pino, 14 de xullo.- Nova entrega do ciclo “Noites de cine”, de proxeccións ao aire libre, co filme “Crepúsculo” como protagonista. Os amantes desta famosísima saga vampírica teñen a oportunidade de lembrar cómo comeza a historia. A cita é este sábado, día 17, a partir das 22:00 horas na Praza do Concello, en Arca. A película enmárcase dentro do ciclo “Noites de Cine”, que cada verán impulsa a Deputación de A Coruña en colaboración cos concellos. En caso de choiva a representación trasladarase ao Auditorio do Centro Sociocultural Luis Seoane.

“Crepúsculo”, dirixida por Catherine Hardwicke, está protagonizada por Kristen Stewart, Robert Pattinson, Peter Facinelli, Ashley Greene e Taylor Lautner, entre outros. A súa estrea, no 2008, marcou a 15ª mellor apertura da historia do cine, por diante incluso da terceira entrega de “El Señor de los Anillos”. Trátase da adaptación ao cine da primeira novela da saga Crepúsculo, da escritora Stephenie Meyer. A protagonista é Isabella Swan, que se muda á pequena localidade de Forks, onde vive o seu pai e onde sempre chove. Malia todo, a súa vida da un xiro excitante e aterrador cando coñece ao misterioso e seductor Edwar Cullen.

A cinta dura 120 minutos. Ademais, os primeiros vinte espectadores terán como agasallo un dvd orixinal de películas galegas. Quedan outras dúas cintas a proxectar dentro deste ciclo. A primeira será o 7 de agosto, "Viaje al centro de la tierra", e a segunda, xa en setembro e no Centro Luis Seoane, "El lince perdido",o día 12.

Protagonistas da película

O Concello de O Pino acolle este venres a primeira das películas ao aire libre dentro do ciclo “Noites de Cine”

O Pino, 7 de xullo.- A Praza do Concello de O Pino, en Arca, é o marco no que os amantes do bo cine se poden dar cita este venres, día 9, ás 22:00 horas, para poder desfrutar da cinta “El niño con el pijama de rayas”. A película enmárcase dentro do ciclo “Noites de Cine”, que cada verán impulsa a Deputación de A Coruña en colaboración cos concellos. En caso de choiva a representación trasladarase ao Auditorio do Centro Sociocultural Luis Seoane.

“El niño con el pijama de rayas”, inspirada na novela do mesmo título de John Boyne, é un drama estreado no ano 2008. Dirixida por Mark Herman, ambiéntase no Berlín de 1942, en plena Alemaña nazi, e o seu protagonista é Bruno, un cativo de nove anos que non ten coñecemento nin do que significa o Holocausto nin do que o seu pai, un alto cargo do exército de Hitler, está a facer no campo de concentración ao carón de onde eles teñen a súa nova residencia. Todo cambia cando, xogando polos arredores do campo, coñece a Shmuel, un rapaz que vive unha estrana existencia paralela ao outro lado da alambrada, e que, coma todos os que viven alí, viste un uniforme semellante a un pixama de raias. A amizade dos dous marcará a fin da infancia de Bruno, cunha serie de encontros secretos con consecuencias asombrosas e desvastadoras.

A cinta dura 96 minutos. Ademais, os primeiros vinte espectadores terán como agasallo un dvd orixinal de películas galegas. Tras esta proxección, para o día 17 de xullo está previsto o visionado da exitosa “Crepúsculo”.

O acto, a celebrar na compostelán Libraría Couceiro, contará coa presenza do autor, o editor de Galaxia e a concelleira de Cultura do municipio

O escritor Manuel Losa presenta este mércores a edición ampliada da biografía de Xesús Canabal, Fillo Predilecto de O Pino

O Pino, 21 de xuño de 2010.- A Libraría Couceiro, ubicada na emblemática Praza de Cervantes, é o esclave elixido para que o editor e escritor Manuel Losa Rocha presente este mércores, ás 20:00 horas, a obra “A Galicia de Montevideo. Unha biografía de Xesús Canabal 1897-1985”. O libro está editado por Galaxia e enmárcase dentro da súa colección Memoria. Na presentación, de entrada libre, participarán o propio autor, Manuel Losa, o director de Editorial Galaxia, Víctor F. Freixanes e a Concelleira de Educación e Cultura de O Pino, María José Gómez.

O libro é a segunda edición da obra “Xesús Canabal, Fillo Predilecto de O Pino” e supón unha compilación de moitas horas de investigación e conversa cos familiares de Canabal, sobre todo coas súas tres fillas Iris, Berta e Delia. Mulleres que, por certo, doaron hai poucos meses parte do legado de seu pai ao Concello de O Pino, que está a preparar un museo con eses inestimables fondos-parte deles están sendo dixitalizados por parte do Arquivo da Emigración Galega-.

A Losa úneo un vencellamento especial con O Pino, posto que foi el quen deu o paso de escribir unha obra sobre a figura de Xesús Canabal, empresario galeguista que foi nomeado Fillo Predilecto do Concello en outubro de 2006. Libreiro e editor, é socio fundador do Patronato da Cultura Galega e foi integrante do Consello directivo do Centro Gallego de Montevideo e da Asociación de Empresarios Galegos do Uruguai. Autor de varios libros, neste volume preséntasenos de xeito máis completo e con inéditas fotografías a vida dun veciño de O Pino, Xesús Canabal, que chegou a ser un dos empresarios máis importantes de Uruguai, así como un dos grandes mecenas dos intelectuais galegos durante o exilio, comezando por Castelao.

O acto ten entrada libre.

Portada do libro que se presenta este mércores

A actuación da poetisa galega vai ter lugar ás 19:00 horas no Auditorio do Centro Sociocultural “Luis Seoane”

O Concello de O Pino acolle este dominto o recital de María Canosa dentro do ciclo “Camiños de Amor e Lúa”

O Pino, 18 de xuño.- O Auditorio do Centro Sociocultural Luis Seoane acolle este domingo, día 20 de xuño, a partir das 19:00 horas un dos recitais que o programa “Camiños de Amor e Lúa” está a levar por diferentes concellos galegos polos que discorre algún dos Camiños a Santiago. En O Pino teremos a oportunidade de desfrutar do recital dunha das voces máis prometedoras do panorama literario galego no eido poético: a de María Canosa. Unha enxeñeira de Camiños de 31 anos que xa publicou varias obras como Bramido Maino, A pedra de seixo, Faíscas ou Entre papoulas, amén doutras moitas colaboracións.

Este programa ten como obxectivo fomentar o hábito da lectura, amenizar a ruta aos peregrinos así como promocionar a cultura literaria galega entre os visitantes e os residentes nos diferentes concellos que vai visitando. Neste caso, en O Pino, concorren o Camiño Francés, e os finais case da ruta do Norte e do Camiño Primitivo. O recital é completamente gratuito.

Imaxe de María Canosa

Desta volta trátase dunha mostra composta por óleos do artista José Monteiro que se poderá contemplar ata o día 15 de xullo

O Concello de O Pino presenta a exposición “Rúas de Santiago”, ubicada na Oficina de Turismo

O Pino, 14 de xuño de 2010.- A Oficina de Turismo do Concello de O Pino, posta en marcha en colaboración coa Asociación de Hostelería de Santiago e comarca, acolle dende mañá unha nova exposición, dentro da liña de dar máis contidos a este espazo coa que se comprometeu o municipio. Despois da boa acollida da mostra asinada polo artista José Manuel F. Sánchez, os amantes da arte teñen agora a oportunidade de desfrutar dos óleos de José Monteiro. A exposición vai permanecer aberta na citada Oficina de Turismo (A Rúa, Arca), ata o día 15 de xullo, con entrada de balde, como é habitual.

José Monteiro é un artista nado en Mozambique, pero coa súa vida profesional moi ligada a Brasil e a Portugal, país este último onde reside dende hai máis de vinte anos. Alumno da Escola Superior de Bellas Artes de Lisboa, suma no seu currículum numerosas exposicións individuais en importantes galerías de Portugal, Santiago de Compostela e Pontevedra, así como moitas colectivas en diferentes puntos de Brasil. Agora mesmo é un dos artistas máis presentes nas mellores galerías do litoral luso. A O Pino tráenos unha mostra titulada “Rúas de Compostela”, pero composta por óleos onde reflicte moitos elementos relacionados co Camiño de Santiago.

A mostra pódese ver na Oficina de Turismo, de 09:30 a 14:30 horas, fins de semana incluídos.

Trátase dunha oferta que inclúe, por 40€, cinco sesións no Balneario de Palas de Rei

Aberto o prazo para anotarse na segunda quenda das sesións termais organizadas polo Concello de O Pino

O Pino, 20 de maio de 2010.- O Concello de O Pino vén de abrir o prazo para anotarse na segunda quenda de participación nas sesións termais que se desenvolven no Balneario de Palas de Rei. Logo do éxito da primeira convocatoria, o goberno que preside Manuel Taboada dá a outros vinte veciños a oportunidade de desfrutar dos beneficios da auga a través deste proxecto, que conta cunhas condicións económicas ventaxosas. O Concello corre cos gastos de desprazamento, e polas 5 sesións termais os veciños só teñen que pagar corenta euros.

As cinco novas sesións terán lugar na tarde dos mércores de xuño, os días 2, 9, 16, 2 e 30. O autobús sae da Praza do Concello ás 16:15 horas, e o regreso aproximado está previsto para as 20:30. Os interesados poden inscribirse na Biblioteca Municipal (Centro Sociocultural Luis Seoane) de 10:30 a 12 e de 18 a 19 horas, ou na Aula de Informática Municipal (Edificio do Concello) de 12 a 14 e de 17 a 18 h. O prazo para anotarse remata o 28 de maio. Tamén se pode obter máis información no teléfono 981 510 449.

A celebración da xornada vaise desenvolver No Centro Sociocultural Luis Seoane

O Concello de O Pino conmemora con diversas actividades do Día das Letras Galegas

O Pino, 12 de maio de 2010.- O Concello de O Pino súmase, como todos os anos, á celebración do Día das Letras Galegas, adicado neste 2010 a Uxío Novoneyra. Neste caso, decidiuse levar a cabo dous tipos de actividades. Por unha banda, pais e nenos teñen a oportunidade, este vindeiro venres día 14, de desfrutar conxuntamente dunha tarde de xogos e propostas lúdico-educativas no Centro Sociocultural Luis Seoane. De 16:30 a 19:30, pais e fillos/as compartirán obradoiros de xogos populares, un novidoso xogo baseado na popular oca pero con probas e preguntas relacionadas coa cultura e con Novoneyra, así como a posibilidade de colorear e traballar con algún texto do autor homenaxeado.

Ademais disto, o Concello tamén ten programado un acto para os mozos/as do municipio. É unha actividade desenvolvida en colaboración coa editorial Galaxia, e que vai dirixida específicamente a este colectivo. Trátase dunha sesión que compartirán con Brais Fernández, un actor xa curtido neste tipo de funcións e que ofrecerá aos adolescentes de O Pino unha visión dramatizada da vida de Uxío Novoneyra. Terá lugar o xoves, día 20, ás 09:30 h. no Centro Sociocultural Luis Seoane. Ademais, o Concello vai agasallar a cada rapaz asistente cunha biografía de Novoneyra escrita por Antón Lopo.

  Escolares de O Pino asisten hoxe venres a unha sesión de títeres co gallo da celebración do Día do Libro

O Pino, 23 de abril de 2010.- Máis dun cento de rapaces escolarizados no CPI Camiño de Santiago teñen hoxe a oportunidade de participar nunha sesión de títeres a cargo da compañía Monicreques de Kukas. Trátase dunha función programada dentro dos actos co gallo do Día do Libo, e que traerá ao escenario do Centro Sociocultural Luis Seoane a obra “Un agasallo para Xaquín”. O espectáculo foi creado a proposta do Instituto Galego de Consumo, e conta a historia de Xaquín, un neno consumista e solitario que só se alimenta de larpeiradas, ata que no día do seu aniversario vive un pesadelo que o fará reflexionar sobre a súa actitude para cambiar os seus hábitos de consumo.

Dun xeito divertido e adaptado ás idades dos rapaces (ciclos de Educación Infantil e Primaria), exporánse temas como o abuso de comida-lixo ou as formas de vida excesivamente sedentarias. A obra vaise representar ás 13:00 horas, no Auditorio do Centro Sociocultural Luis Seoane (Arca).

O Grupo de Teatro Arume representa este Venres Santo, no Centro Sociocultural Luis Seoane de Arca a obra "A paixón de Cristo, tal e como a viviu o Apóstolo Santiago". Será ás 20:30 horas, con entrada libre. A función está co-organizada entre a Concellería de Cultura e Cáritas Parroquial de Arca.

AUTOR: Aula de 3 anos do CPI Camiño de Santiago; Titora: Beatriz Vives

AUTOR: Cristina Cancelo Martínez, 12 anos

Todos os rapaces de ata dez anos que se presenten disfrazados nesa xornada recibirán un agasallo por parte do concello

O concello de O Pino celebra o domingo 14 o Entroido con música e o tradicional concurso de disfraces

O Pino, 2 de febreiro.- Ás portas do Entroido un ano máis, o Concello de O Pino decide sumarse á súa celebración coa tradicional verbena e concurso de disfraces. A cita será o domingo, día 14, a partir das 17:00 horas. Se as condicións climatolóxicas o permiten, levarase a cabo na Praza do Concello, e, en caso de choiva, trasladaranse as actividades ó polideportivo municipal. Estamos xa na duodécima edición do concurso de disfraces, que premiará seis categorías. Trátase da de Mellor Disfraz Infantil, dotada con 90€; Disfraz Máis Orixinal, cun premio de 100€; Mellor Disfraz Individual, con 110€; o Mellor Disfraz de Parella, que levará 130€; Mellor Disfraz de Grupo, cun premio de 180€ e o Mellor Disfraz de Comparsa (con máis de 10 membros), dotado con 350 €. Os interesados teñen que anotarse no lugar de celebración do concurso durante a hora previa ó inicio do mesmo. É dicir, a partir das 16:00 horas.

Durante o acto tamén se fará entrega dos premios do XI Concurso de Carteis do Entroido. Un deles corresponde aos rapaces de 3 anos da Aula de Infantil do CPI Camiño de Santiago, con Beatriz Vives como titora. Na seguinte categoría recollerá o seu premio Cristina Cancelo Martínez. Asemade, o Concello dará un agasallo a todos os rapaces menores de 10 anos que o día do concurso vaian disfrazados e suban ao escenario a desfilar con eles.

A oferta municipal inclúe manualidades, arte floral, informática, inglés e mecanografía por ordenador para nenos

Aberta unha nova convocatoria de cursos de formación no Concello de O Pino

O Pino, 17 de setembro de 2009.- O Concello de O Pino vén de abrir a convocatoria para anotarse nunha nova quenda de cursos de formación. Trátase de cinco modalidades: informática para adultos, arte floral, mecanografía por ordenador para nenos, inglés (para nenos e adultos) e manualidades. Todos eles teñen unha duración de tres meses, de xaneiro a marzo e varios son de carácter gratuito. Continúase así cunha serie de propostas que están a ter gran acollida entre os veciños do concello, e que contribúen á súa preparación de cara ao mercado laboral.

Os cursos de informática teñen horario de mañá e tarde. En clave matutina, serán de 10:00 a 11:30 horas, e pola tarde, de 20:00 a 21:30. Uns os luns e mércores e outros os martes e xoves. Impártense na Aula de Informática municipal, ubicada no edificio do Concello, iniciaranse o 11 de xaneiro e son de carácter gratuito. En canto ao curso de arte floral, será os mércores de 19:00 a 21:00 horas, e comeza o 13 de xaneiro. Ten un custo de 15€ por mes (en total 45€). O de mecanografía por ordenador para nenos divídese en dúas sesións: os luns e mércores, entre as 17:30 e as 18:30 horas. Comezará o 11 de xaneiro e é gratuito. Polo que respecta a manualidades, inclúe debuxo e pintura, en función das demandas dos alumnos. Impartirase os luns de 19:30 a 21:30, e custa 15€ por mes. Comeza o 11 de xaneiro. Os de inglés van en función do nivel dos alumnos. Son dúas sesións de hora e media cada semana. E son de carácter gratuito.

É obrigatorio ingresar na conta do Concello en Caixa Galicia o importe total do curso por adiantado, se é de pago, presentando unha copia do resgardo no momento de facer a matrícula. A data límite para anotarse é o 8 de xaneiro. Pódese facer acudindo á Aula de Informática do Concello, ou ao Centro Sociocultural Luis Seoane. Existe a posibilidade de obter máis información chamando ao teléfono 981 51 10 65 ou enviando as dúbidas á dirección de e-mail cultura@concellodeopino.com.

A principal novidade é a celebración de “Lecer Nadal” para axudar á conciliación da vida laboral e familiar

Maxia, música, actividades lúdicas e teatro na programación de Nadal do Concello de O Pino

O Pino, 15 de decembro.- Propostas para todos os gustos e diferentes idades, amén de atractivas e novidosas. Estas son as premisas tidas en conta polo Concello de O Pino para organizar a programación nestas datas de Nadal. O calendario inclúe diversas propostas, que comezan esta fin de semana coa obra de teatro “O achado do castro” a cargo do grupo Os Terremotos de Lamas (de Boqueixón). Será no Centro Sociocultural Luis Seoane, este domingo día 20, ás 18:00 horas. Ao día seguinte, o luns 21, Papá Noel vai visitar as tres escolas unitarias do concello (Ferreiros, Castrofeito e Gonzar), así como os cativos do PAI e aos de Infantil e Primaria do CPI Camiño de Santiago, para recoller as cartas dos rapaces.

Precisamente os nenos son os protagonistas do tradicional Festival de Nadal, que se organiza, este ano, o martes 22. Será tamén no auditorio do Centro Sociocultural Luis Seoane, a partir das 10:00 horas. No mesmo escenario actúa a Banda de Música de Arca o sábado 26, a partir das 19:00 horas, para interpretar o seu xa clásico Concerto de Nadal. Haberá maxia tamén neste Nadal. Son dúas as citas, a primeira o martes 29, a partir das 18:00 horas. Visita o Centro Luís Seoane o Mago Xacobe, para asombrarnos co seu espectáculo “Se non o les, non o cres”, relacionado co Nadal Literario que ten en marcha a Biblioteca Municipal. Todos os que a visiten recibirán un agasallo.

A oferta complétase co Festival de Corais que organiza o Coro de Arca, e que vai ter lugar o domingo, 3 de xaneiro, ás 19:00 h. no Centro Sociocultural Luis Seoane. O martes 5 teremos a tradicional Cabalgata de Reis, que visitará todas as parroquias do concello, para rematar cunha gran festa no polideportivo municipal, a partir das 17:00 horas, con rosca e chocolate quente incluídos. O programa remata o sábado, 9 de xaneiro, co mago Cayetano Lledó e a súa “Feira Máxica Lafayette”, ás 18:00 h. e tamén no Centro Luis Seoane.

A principal novidade deste programa é a celebración do denominado “Lecer Nadal”. É os días 23, 24, 28, 29, 30 e 31 de decembro, ademais do 4, 5, 7 e 8 de xaneiro. Ten un horario de 07:30 a 15:30 horas, e pode incluir o almorzo e o xantar dos rapaces. O prezo varía segundo as horas. Consiste en actividades variadas e axeitadas tanto á época como á idade dos rapaces. Os interesados deben anotarse canto antes nas oficinas municipais.

 NADAL O PINO 2009


- Curso de Cociña de Nadal. Inicio: 15 decembro. Lugar: Local Social de Gonzar. Horario: 16:00 a 18:00 h.
- Luns 21: Visita de Papá Noel ás escolas unitarias, ó PAI e ao CPI Camiño de Santiago.
- Martes 22: Festival de Nadal escolar.Centro Sociocultural Luis Seoane.10:00 h.
- Lecer Nadal: programa de conciliación. Dias: 23, 24, 28, 29, 3 e 31 de
decembro; 4, 5, 7 e 8 de xaneiro. Actividades diversas. Inicio: 07:30 h.
ata 15:30. Con almorzo e xantar incluídos. Información: 981511002.
- Domingo 20: Teatro coa compañía "Os Terremotos de Lamas" (Boqueixón). 18:00 h. Centro Luis Seoane.
- Sábado 26: Concerto de Nadal da Banda de Música de Arca.
- Martes 29: Maxia con Xacobe Sanz. Espectáculo: "Se non o les, non o cres". Hora: 18:00. Centro Luis Seoane.
- Domingo 3 de xanero: Festival de Corais. Organiza: Coro de Arca. 19:00 horas. Centro Sociocultural Luis Seoane.
- Martes, 5 de xaneiro: Cabalgata de Reis. A partir das 17:00 h. gran festa no polideportivo municipal.
- Sábado 9 de xaniro: Maxia. Cayetano LLedó presenta "Feira máxica Lafayette". Hora: 18:00. Centro Sociocultural Luis Seoane.

Será o preludio da participación do grupo o día 27 no II Certame Galego de Bandas

A Banda de Música de Arca celebra este domingo o tradicional concerto de Santa Icía

O Pino, 18 de novembro de 2009.- A Banda de Música de Arca celebra este domingo pola tarde, a partir das 19:00 horas, o tradicional concerto que ofrece todos os anos coincidindo co día de Santa Icía. A cita será no Auditorio do Centro Sociocultural Luis Seoane. Servirá como preludio á participación da centenaria agrupación no III Certame Galego de Bandas de Música, no que ano ano pasado estivo a unhas décimas de acadar a primeira posición na súa categoría, e no que este ano probarán sorte de novo. Será o venres, ás 20:00 h. no Auditorio de Galicia.

No concerto deste domingo, a Banda de Música de Arca, baixo a batuta de José Mari Blanco Pampín, interpretará, entre outras, as tres obras coas que se presenta ao devandito certame. Son “Novelda”, pasodoble de J. Molina; “Nostradamus”, obra composta por Otto Schwarz e “Terra de Oestrimnios”, orixinal de Andrés Álvarez. Pezas ás que, como se indicaba, se engadirán outras para completar un recital que durará aproximadamente unha hora e que ten a entrada libre.

A Banda de Música de Arca, fundada no ano 1865, é unha das máis antigas de Galicia, con 144 anos de historia ás súas costas. A formación ten todos os anos unha importante axenda de actuacións espalladas por toda Galicia, que se poden consultar na súa web www.bandadearca.com, onde tamén podemos atopar a historia da agrupación, galerías de imaxes, etc, así como a súa propia páxina na rede social Facebook.

Cartel do III Certame Galego de Bandas. Haberá un autobús que sae

ás 19:00 h. da Praza do Concello

Os rapaces van presenciar un concerto didáctico así como unha función de títeres

Máis dun cento de escolares de O Pino asisten esta semana a dúas funcións no Centro Sociocultural “Luis Seoane”

O Pino, 17 de novembro de 2009.- Os cativos das tres escolas unitarias do Concello de O Pino (Ferreiros, Castrofeito e Gonzar), así como os de Infantil e Primaria do CPI Camiño de Santiago (de 3 a 9 anos) son o público que este xoves contemplará e participará nun divertido concerto didáctico. Será co grupo de cámara compostelán “Campo de Estrelas” e enmarcado nos diferentes actos que ao longo do curso programa a Concellería de Educación e Cultura para os escolares do municipio. A sesión comezará cunha parte dirixida aos máis cativos, e logo continuará con pezas dirixidas ao resto dos rapaces. Será un concerto moi participativo, a cargo de músicos que, á súa vez, son mestres en conservatorios da Xunta. O concerto é ás 13:00 horas, este xoves, no Auditorio do Centro Sociocultural “Luis Seoane”.

En canto ao venres, e co gallo da celebración a vindeira semana do Día Internacional da Non violencia contra as mulleres, os rapaces do CPI Camiño de Santiago asistirán, tamén ás 13:00 horas, á representación de títeres “A pequena Lúa”, a cargo da compañía A Xanela do Maxín. Trátase dunha montaxe que resalta valores como o respecto e a solidariedade. O protagonista é un gato viaxeiro, poeta e bohemio, que coñece a unha gatiña chamada Lúa, coa que vai descubrindo os segredos da vida. A montaxe ten unha duración de 50 minutos.

Máis dun cento de escolares de O Pino asisten mañá á estrea da obra de teatro “Os Bolechas”

O Pino, 22 de outubro 2009.- Os cativos das tres escolas unitarias do Concello de O Pino (Ferreiros, Castrofeito e Gonzar), así como os de Infantil e Primaria do CPI Camiño de Santiago son o público privilexiado que mañá venres asiste á estrea da obra de teatro “Os Bolechas”, baseada na famosa saga de libros e posta en escea pola compañía Caramuxo Teatro. Será ás 13:00 h. no Auditorio do Centro Sociocultural Luis Seoane, organizada pola Concellería de Educación e Cultura, dentro das actuacións culturais enmarcadas en colaboración coa Deputación da Coruña.

A montaxe ten unha duración de 50 minutos e amosaranos un día na vida desta divertida familia. Os cativos coñecerán as ocorrencias do pequeno Tatá, as travesuras de Chispa, a Braulio e Sonia, ás xemelgas Pili e Loli, e a Carlos, o máis vello dos irmáns. A banda sonora do espectáculo está creada por Caramuxo Teatro e realizada por músicos da Xove Orquestra Sinfónica de Galicia. Inclúe partes cantadas e outras melodías, que buscan crear diferentes ambientes na escena. En canto aos bonecos que se van utilizar, son tipo Muppets e están tallados en gomaescuma. Foron realizados por Marcelo Fernández, recoñecido titiriteiro arxentino.

A actuación de mañá venres en O Pino é unha das primeiras que fai Caramuxo con esta obra, realizada en colaboración co autor da famosa saga de libros, Pepe Carreiro. Tras O Pino, queda unha longa lista de escenificacións por toda Galicia.

Pili e Loli nun dos momentos da obra de teatro

NOVEMBRO

VAI DE AUGA

II PARTE

O Concello do Pino organiza cinco sesións no Balneario de Río Pambre en Palas de Reis para as persoas empadroadas no Concello e maiores de idade.

A actividade consiste en: Saída ás 16:15 h da Praza do Concello (Pedrouzo-Arca) con destino ao balneario. Baño e regreso aproximado ás 20:30 horas durante os días 2, 9, 16, 23 e 30 de novembro

O custo da actividade é de 40 €.

As persoas interesadas poden inscribirse na Biblioteca Municipal (Casa da Cultura) antes do 29 de novembro (prazas limitadas) en horario de luns a venres de 10:30 a 13:30 e de 17:30 a 19:30 horas.

O Pino 20 de outubro de 2009

O Alcalde

Asdo.: Manuel Taboada Vigo

NOVEMBRO

VAI DE AUGA

O Concello de O Pino organiza cinco sesións no Balneario de Río Pambre en Palas de Reis para as persoas empadroadas no Concello e maiores de idade.

A actividade consiste en: Saída ás 16:15 h da Praza do Concello (Pedrouzo-Arca) con destino ao balneario. Baño e regreso aproximado ás 20:30 horas durante os días 4, 11, 18, 25 de novembro e 2 de decembro

O custo da actividade é de 40 €.

As persoas interesadas poden inscribirse na Biblioteca Municipal (Casa da Cultura) antes do 29 de novembro (prazas limitadas) en horario de luns a venres de 10:30 a 13:30 e de 17:30 a 19:30 horas.

O Pino 20 de outubro de 2009

O Alcalde

Asdo.: Manuel Taboada Vigo

Maratón do xogo Pro Evolution Soccer 9

Data: Sábado, 17 de outubro

Lugar: Local Parroquial de Arca

Inscrición: o mesmo día, de 16:00 a 16:30. Comezo do xogo ás 16:40.

Prezo: 1€

Premio: Pro Evolution Soccer 10

Durante as partidas os que queiran poden facer tamén manualidades o xogar a diferentes xogos de mesa.

Iº Curso de cociña con Nacho, do Restaurante O Acivro

Reunión o martes, día 20, ás 17:00 horas no Local Parroquial de Arca, para fixar as datas e horario das clases. En caso de non poder asistir, pódese obter máis información no teléfono 981 51 10 03 ou falando co propio Nacho. Os grupos serán reducidos, o prezo é de 10€ e a duración oscilará entre os 2 e 3 meses, dependendo da demanda do alumnado.

Organiza: Cáritas Parroquial de Arca e O Pino

Ampliado o número de cursos de formación para este trimestre

Oferta

INFORMÁTICA PARA ADULTOS: Luns e mércores, de 10:00 a 11:30, ou de 20:00 a 21:30 horas. Gratuito. Aula de Informática.

ARTE FLORAL: Mércores, de 19:00 a 21:00 horas. 15€ por mes. Lugar: Cámara Agraria (Arca). 

MANUALIDADES: Luns, de 19:30 a 21:30 horas. 15€ por mes. Lugar: Cámara Agraria (Arca). 

OBRADOIRO DE MEMORIA: Venres, de 16:30 a 18:00 horas. Gratuito. Lugar: Local Social de Lardeiros. (Se hai xente suficiente, faise tamén noutras parroquias).

INGLÉS: Cursos gratuitos, para diferentes idades e niveis. Interesados anotarse na Biblioteca Municipal (Centro Sociocultural Luis Seoane). Tfno. 981 51 04 49

Información e inscricións: Centro Sociocultural Luis Seoane. 981 51 10 65 ou cultura@concellodeopino.com

Trinta veciños do Concello de O Pino visitaron este sábado a zona de O Grove e Cambados

Trinta veciños do Concello de O Pino desfrutaron este sábado dunhas horas de turismo e relax nas Rías Baixas. A Concellería de Educación e Cultura organizou unha excursión aos municipios de O Grove e Cambados. A visita comezou no peirao do Grove, cunha ruta en catamarán polas augas da Ría de Arousa, con degustación a bordo de mexillóns e a posibilidade de pisar in situ unha batea. A continuación, a comitiva trasladouse a Punta Moreiras para escoitar as explicacións dos responsables do Centro de Interpretación da Pesca e da Salgadura (CIPES).

Tras o xantar, a excursión continuou xa en Cambados cunha ruta no tren turístico pola vila, con parada obrigada nas impresionantes ruinas de Santa María, a curiosa e ilustrativa visita ás adegas do Pazo de Fefiñáns-as máis antigas da zona- e a sesión didáctica no Museo Etnográfico e do Viño, tamén en Cambados. Unha xornada de confraternidade, diversión e cultura que xa suma varias citas celebradas, e que continuará nos vindeiros meses con novos itinerarios por diferentes puntos da xeografía galega.

Fotografía do grupo da excursió nas escaleiras da Igrexa de San Benito, na cambadesa Praza de Fefiñáns

Máis de cen rapaces do concello asisten á sesión de títeres "Perico, o Cangrexo" no Centro Sociocultural Luis Seoane

Os rapaces de 3 a 8 anos do CPI Camiño de Santiago, así como os pertencentes ás escolas unitarias de Boavista (Ferreiros), Castrofeito e Gonzar, asistiron esta mañá no Centro Sociocultural LUis Seoane a ver a sesión de títeres "Perico, o Cangrexo". Foi a primeira dunha longa serie de representacións que a Xunta, a través da Dirección Xeral de Política Lingüística e a editorial Ir Indo van desenvolver por numerosos municipios galegos.

É un programa de dinamización lingüística, que pretende poñer en valor o poder da palabra, a través da riqueza da nosa tradición oral. Basease no libro de Amparo Gómez, "Perico o cangrexo", publicado por Ir Indo na colección "Contos da tía Rosario". Todos os nenos que asistiron recibiron o libro como agasallo, para que poidan desfrutar da súa lectura nos fogares, na compaña de seus pais.

Presentación da obra; de esq. a drta. Manuel Taboada, Xelasio Suárez (xerente de Ir Indo) e as

dúas integrantes de Titirimaña

Aberta unha nova convocatoria de cursos de formación no Concello de O Pino

O Concello de O Pino vén de abrir a convocatoria para anotarse nunha nova quenda de cursos de formación. Trátase de catro modalidades: informática para adultos, arte floral, mecanografía por ordenador para nenos e manualidades. Todos eles teñen unha duración de tres meses, posto que, en función das necesidades e demandas dos usuarios, o Concello continuará con algúns e renovará outros a partir do mes de xaneiro. Para iso os alumnos destes cursos cubrirán unha enquisa, co gallo de coñecer as inquedanzas veciñais.

O curso de informática ten como novidade unha sesión en horario de mañá. Vaise levar a cabo os martes e xoves, de 10:00 a 11:30. A outra sesión será nos mesmos días, pero de 20:00 a 21:30 horas. Ambas se impartirán na Aula de Informática municipal, ubicada no edificio do Concello, iniciaranse o 6 de outubro e teñen un custo de 60€ (20€ por mes). En canto ao curso de arte floral, será os mércores de 19:00 a 21:00 horas, e comeza o 7 de outubro. Tamén custa 20€ por mes. O de mecanografía por ordenador para nenos divídese en dúas sesións: os luns e mércores, entre as 17:30 e as 18:30 horas. Comezará o 5 de outubro e o custo total dos tres meses tamén é de 60€. Polo que respecta a manualidades, inclúe debuxo e pintura, en función das demandas dos alumnos. Impartirase os luns de 19:30 a 21:30, e custa 20€ por mes. Comeza o 5 de outubro.

É obrigatorio ingresar na conta do Concello en Caixa Galicia o importe total do curso por adiantado, presentando unha copia do resgardo no momento de facer a matrícula. A data límite para anotarse é o 2 de outubro, venres. Pódese facer acudindo á Aula de Informática do Concello, ou ao Centro Sociocultural Luis Seoane. Existe a posibilidade de obter máis información chamando aos teléfonos 981 51 10 65, 981 51 04 49 ou enviando as dúbidas á dirección de e-mail cultura@concellodeopino.com.

O Concello de O Pino organiza unha excursión á zona do Grove

O Pino, 8 de setembro de 2009.- O Concello de O Pino ten aberta a inscrición para participar nunha das varias excursións previstas para este ano. Neste caso trátase de realizar unha visita á zona de O Grove, o sábado 3 de outubro. O percorrido inclúe unha ruta en catamarán con visión submarina e degustación de mexillóns a bordo, a visita ao Centro de Interpretación da Pesca e Salazón, ao Pazo de Fefiñáns, o Museo Etnográfico e do Viño así como unha parada no centro histórico de Cambados. A saída vai ter lugar ás 08:00 horas da Praza do Concello (Arca), e o regreso aproximado está previsto para as 21:30 horas.

O custo da viaxe é de 30€ para as persoas empradoadas no Concello de O Pino, que terán preferencia á hora da inscrición, e de 35€ para o resto. Inclúe as entradas aos diferentes lugares a visitar, así como o xantar, posto que o autobús está subvencionado polo Concello. Os interesados deben anotarse antes do 25 de setembro na Aula de Informática (Praza do Concello) ou na Biblioteca Municipal (Centro Sociocultural Luis Seoane), en horario de luns a venres de 10:30 a 14:00 horas e martes e xoves, de 17:00 a 19:00 horas. Os menores de 13 anos deben ir acompañados dun adulto que se faga responsable deles.

Proxección da película "Pequeños Salvajes" mañá venres

A Praza do Concello, se as condicións climatolóxicas o permiten, é o escenario onde mañá venres, día 21 de agosto, se vai proxectar a cinta "Pequeños Salvajes". Deste xeito, o Concello de O Pino pon o broche a esta edición 2009 do programa "Noites de Cine", organizado en colaboración coa Deputación de A Coruña. Trátase dunha longametraxe de 90 minutos de duración, dirixida por Will Shriner. Está protagonizada por Luke Wilson, Logan Lerman e Brie Larson, entre outros.

A acción xira en torno a Roy Eberhardt, un rapaz que leva toda a vida, os seus 14 anos, mudando de colexio e de cidade debido ao traballo de seu pai. Neste caso trasládase a Florida, concretamente a unha vila coñecida como Coconut Cove. Xusto no seu primeiro día de clase, ten un incidente co peor dos matóns, que, curiosamente, o leva a coñecer a un amigo, Mullet Fingers e á súa hermanastra, Beatrice. Eles son os que o implican na loita para impedir a apertura no pobo dun restaurante dunha multinacional americana que ameaza a poboación local de mouchos.

En caso de choiva, a proxección vaise realizar no Centro Sociocultural Luis Seoane.

Cartel promocional da película na súa estrea, no ano 2006

Este sábado proxéctase "Astérix e os vikingos"

A Praza do Concello (Pedrouzo-Arca) é o escenario elexido para unha nova representación cinematográfica dentro do ciclo "Noites de Cine", que levan a cabo de forma conxunta o Concello de O Pino e a Deputación de A Coruña. Neste caso, a película a proxectar é "Astérix e os vikingos". Trátase dunha longametraxe animada do ano 2006, dirixida por Stefan Fjeldmark e Jesper Moller.

A historia comeza cando o irmán de Abraracúrcix, Oceánonix, lle envía ao seu fillo para que o convirta nun home de verdade. De xeito simultáneo, os vikingos andan na procura do "Campión do medo". Astérix e Obélix son os encargados de coidar e adestrar ao mozo. Máis, mentres andan un adestramento, con toda a aldea atacando un campamento romano dos arredores, o sobriño de Abraracúrcix é secuestrado polos vikingos e levado ao seu pobo. Durante a travesía, namórase de Abba, a fila do xefe vikingo. Mentres está con eles, ensínalles a bailar antes de ensinarlles o prometido, a voar. Á súa vez, Astérix, Obélix e Ideáfix emprenden a viaxe na súa busca.

A película proxectarase ás 21:30 horas. En caso de choiva, será no Centro Sociocultural Luis Seoane. Ten unha duración de 78 min.

Actuación da Banda Xuvenil de Barro este domingo no Auditorio do Centro Sociocultural Luis Seoane

O Auditorio do Centro Sociocultural Luis Seoane (Pedrouzo-Arca) acolle este domingo, día 19 de xullo, a partir das 19:00 horas, un concerto da Banda Xuvenil de Barro. Trátase dunha actuación a realizar no municipio grazas ao programa "Vai de Camiño", organizado polo Xacobeo/Consellería de Cultura. Estamos xa na cuarta edición deste ciclo de espectáculos, que perseguen levar manifestacións artísticas aos concellos de toda Galicia polos que pasan os camiños xacobeos ao tempo que se apoia aos artistas galegos e se impulsa a nosa industria cultural e do espectáculo. A entrada é libre.

Primeira das proxeccións de cine ao aire libre, este sábado, coa película "La brújula dorada"

A Praza do Concello é o escenario onde se vai proxectar, se as condicións meteorolóxicas o permiten, a cinta "La brújula dorada", a primeira das catro películas que os veciños de O Pino vimos ter oportunidade de desfrutar este verán. En caso de choiva, como é habitual, a proxección pasaría ao Centro Sociocultural Luis Seoane. A hora de inicio son as 22:00 h.

"La brújula dorada" é unha adaptación ao cine da novela de Philip Pullman "Luces del norte", a primeira dunha triloxía denominada "La materia oscura". Protagonizada por Nicole Kidman, Dakota Blue Richards e Daniel Craig, a historia xira arredor de Lyra Belacqua, unha cativa que xunto ao sei daimonion (almas de humanos que habitan fóra dos corpos en animais) salvan ao tío da pequena, Lord Asriel, de ser envelenado. O obxectivo era que non se descubrise a existencia dunhas partículas denominadas "polvo", que demostrarían a existencia dun universo paralelo. A partir de aí Lyra vese envolta nunha emocionante aventura que inclúe unha visita ao Polo Norte, un oso acorazado ou mesmo bruxas.

A película é apta para todos os públicos. Dura 114 minutos e recibiu un Oscar na edición de 2008 aos mellores efectos especiais.

Foto de familia dos asistentes á terceira quenda no Balneario de Palas de Rei, ao remate da última sesión

Éxito da excursión organizada polo Concello á zona de Ribadavia

O Concello de O Pino realizou esta pasada fin de semana, xunto a dúas decenas de veciños, unha nova excursión, seguindo na liña de aumentar a oferta lúdico-cultural. Neste caso fíxose unha visita á zona do Ribeiro. O percorrido incluiu unha parada en Ribadavia, con degustación de postres xudeus, ademais da correspondente visita ao Mosteiro de Oseira e á vila de Cea, onde os asistentes viron cómo é un forno do tradicional pan desta zona.

Imaxe dos participantes na visita na Praza do Concello da vila de Cea

O Concello de O Pino organiza a tradicional sardiñada de San Xoan

O Concello de O Pino súmase á celebración da noite máis máxica do ano coa celebración, mañá martes, da xa tradicional sardiñada de San Xoan. Este ano a novidade é o lugar onde vai ter lugar a festa, posto que se traslada da Praza do Concello á nova Praza de Forcarei, moi preto da Casa Consistorial. Este novo espazo de ocio está ubicado na urbanización Santa Eulalia, desenvolvida pola empresa Estradense. Ten a súa entrada ou ben pola Rúa dos Mollados ou pola propia Rúa do Concello, enfrente da Praza a man esquerda.

A partir das 21:30 horas os interesados poderán degustar de xeito gratuito sardiñas e churrasco. Degustación que estará amenizada, como vén sendo habitual, por unha orquestra. É unha cita que reúne cada ano a centos de veciños e visitantes, que viven a noite do San Xoan nun ambiente de festa e confraternidade.

Finaliza con éxito a segunda quenda das sesións termais organizadas polo Concello de O Pino

 Un grupo de vinte veciños do Concello de O Pino puxeron esta semana o broche de ouro á segunda quenda das sesións termais postas en marcha pola Concellería de Educación e Cultura. Foron cinco sesións no Balneario de Palas de Rei, por un custe total de 40€, condicións vantaxosas para os veciños e autobús por conta do Concello. Para rematar con bo pé, o Consistorio, como fixo xa co primeiro grupo e fará a semana que vén co terceiro, organizou un pequeño refrixerio nas propias instalacións termais.

As valoracións dos participantes son tan positivas, que o goberno municipal que encabeza Manuel Taboada ten previsto retomar este programa tras o verán, época pouco propicia para este tipo de acontecementos. Nas sesións que se convocarán de novo poden participar todos aqueles empadroados en O Pino, independentemente da súa idade.

Participantes no segundo turno das sesións termais, no exterior das instalacións

Escolares de O Pino asisten mañá venres a una sesión de títeres

O Pino, 28 de maio de 2009.- Máis dun cento de rapaces escolarizados no CPI Camiño de Santiago van ter este venres a oportunidade de participar nunha sesión de títeres a cargo da compañía Títeres Cachirulo. Trátase dunha función programada dentro dos actos co gallo do Día das Letras Galegas, e que traerá ao escenario do Centro Sociocultural Luis Seoane a obra “Do, re mi, Mozart xoga aquí”. Unha montaxe que recibiu o premio ao Mellor Espectáculo de Marionetas no 4º Festival Iberoamericano de Teatro “Cumbre de las Américas”, celebrado o ano pasado.

A peza de títeres está protagonizada por Amadeus e Náneri, que tras xogar cunhas verduras, comezan a crear unha historia. A partir de aí vanse sucedendo escenas nas que, a través dos instrumentos, aparecen aventuras e cadros cómicos que eles mesmos imaxina. A obra vaise representar mañá venres, 29 de maio,, ás 13:00 horas, no Auditorio do Centro Sociocultural Luis Seoane (Arca). A ela asistirán os rapaces dos ciclos de Infantil e Primaria do CPI Camiño de Santiago.

Tras isto, a próxima cita para os rapaces é o venres, 5 de xuño. Co gallo do Día Mundial do Medio Ambiente, o Concello pón en escea “Lume”, de Teatro Babaluva. Será tamén ás 13:00 horas, e no mesmo escenario, o Auditorio do Centro Sociocultural Luis Seoane. Ambos os dous espectáculos, tanto o de Cachirulo como o de Babaluva, están integrados na rede Titirimaxia, da Consellería de Cultura.

Unha das imaxes da obra a representar no Centro Sociocultural Luis Seoane

A visita, prevista para o sábado 20 de xuño, inclúe unha visita ao Mosteiro de Oseira e a Cea, ademais dunha degustación de postres xudíos

O Concello de O Pino organiza unha excursión a Ribadavia

O Pino, 27 de maio de 2009.- O Concello de O Pino ten aberta a inscrición para participar nunha das varias excursións previstas para este ano, seguindo na liña de aumentar a oferta lúdico-cultural dos veciños. Neste caso trátase de realizar unha visita á zona do Ribeiro o sábado, 20 de xuño. O percorrido inclúe unha parada en Ribadavia, con degustación de postres xudíos, ademais da correspondente visita ao Mosteiro de Oseira e á vila de Cea, onde os asistentes verán cómo é un forno do tradicional pan desta zona. A saída vai ter lugar ás 08:00 horas da Praza do Concello (Arca), e o regreso aproximado está previsto para as 21:30 horas.

O custo da viaxe é de 25€ para as persoas empradoadas no Concello de O Pino, que terán preferencia á hora da inscrición, e de 35€ para o resto. Inclúe as entradas aos diferentes lugares a visitar, así como o xantar, posto que o autobús está subvencionado polo Concello. Os interesados deben anotarse antes do 17 de xuño na Aula de Informática (Praza do Concello) ou na Biblioteca Municipal (Centro Sociocultural Luis Seoane), en horario de luns a venres de 10:30 a 14:00 horas e martes e xoves, de 17:00 a 19:00 horas. Os menores de 13 anos deben ir acompañados dun adulto que se faga responsable deles.

EXCURSIÓN Á ZONA DO RIBEIRO

O Concello do Pino organiza unha viaxe o sábado 20 de xuño. Os menores de 13 anos necesitan ir acompañados dun adulto responsable e todos os menores de idade necesitan cubrir unha autorización.

A viaxe consiste en: Saída ás 8:00 da Praza do Concello (Pedrouzo-Arca) con destino a Ribadavia. Visita ao casco histórico da vila con degustación de postres xudíos e viño do Ribeiro. Xantar. Pola tarde visita ao Mosteiro de Oseira, á Vila de Cea e a un forno de pan. Regreso aproximado ás 21:30 horas.

O custo da viaxe é de 25 € para a xente empadroada no Concello (que terán preferencia á hora da inscrición) e de 35 € para os non empadroados. Inclúe xantar e entradas aos lugares da visita. O autobús subvenciónao o Concello.

As persoas interesadas poden inscribirse na Aula de Informática (Praza do Concello) ou na Biblioteca Municipal (Casa da Cultura) antes do 17 de xuño en horario de luns a venres de 10:30 a 14 horas e martes e xoves de 17:00 a 19:00 h;

O Pino, 22 de maio de 2009

O ALCALDE

Asdo.: Manuel Taboada Vigo

O Concello de O Pino conmemora con diversas actividades do Día das Letras Galegas

O Pino, 14 de maio de 2009.- O Concello de O Pino súmase, como todos os anos, á celebración do Día das Letras Galegas, adicado neste 2009 a Ramón Piñeiro. Os interesados teñen mañá venres a posibilidade de participar en diversas actividades organizadas polo consistorio. Concretamente, haberá varios obradoiros entre as 16:30 e as 19:30 horas: modelaxe, manualidades e globoflexia. Desenvolveranse no hall do Centro Sociocultural Luis Seoane. Ademais, o pavillón polideportivo acollerá unha sesión de xogos populares, no mesmo horario que os anteriores.

A xornada terá como colofón a actuación do ilusionista Pedro Volta. O artista presenta o espectáculo “Abraiantes Soños”, que combina sorprendentes números de maxia ao mesmo tempo que se nos contan historias fantásticas. Trátase dun espectáculo que comezará ás 19:00 horas no Centro Sociocultural Luis Seoane, apto para toda a familia e cunha duración de 75 minutos.

De xeito paralelo, pode visitarse unha pequena mostra que recolle en diferentes carteis a vida e obra de Ramón Piñeiro, o protagonista este ano da xornada do día 17. As actividades programas polo Concello para este mes con este motivo van continuar o día 29, venres, coa actuación de Títeres Cachirulo e a montaxe “Do, re, mi, Mozart xoga aquí”.

Inicio das sesións termais para un grupo de veciños do concello de O Pino

O Pino, 16 de abril de 2009.- Un grupo de vinte veciños do Concello de O Pino inciaron onte un ciclo de sesións termais no Balneario de Palas de Rei, organizado pola Concellería de Educación e Cultura do municipio. Trátase da primeira quenda, posto que, ante a gran demanda rexistrada, o Concello abrirá axiña unha segunda convocatoria para poder asistir a estas instalacións. Os gastos de transporte son subvencionados polo consistorio e os usuarios só abonan 40 € polas cinco sesións.

Na primeira sesión os veciños que participan na iniciativa foron recibidos no propio balneario polo Alcalde, Manuel Taboada Vigo, quen resaltou a importancia de actividades coma esta, que son sumamente beneficiosas para saúde. O rexedor anuncio a intención do seu goberno de seguir impulsando programas sociais que redunden nunha mellor e maior calidade de vida para os veciños do Concello.

A maioría dos participantes, con Manuel Taboada, Manuel Canabal e a Técnico en Animación, Ana Vigo.

CURSOS DE INFORMÁTICA

D. Manuel Taboada Vigo, Alcalde-Presidente do Concello de O Pino

INFORMA: Que o Concello de O Pino abre a convocatoria para inscribirse en dous novos cursos de informática.

BENEFICIARIOS: Persoas empadroadas no Concello, maiores de 16 anos.

CURSOS A IMPARTIR: Grupos como máximo de 12 alumnos.

1.- INFORMÁTICA DE INICIACIÓN: Horario: 20:00-21:30. Días: Martes e Xoves. Duración: 3 meses. Inicio do curso: 14 abril.

2.- INFORMÁTICA PERFECCIONAMENTO: Horario: 21:30-23:00. Días: Martes e Xoves. Duración: 3 meses. Inicio do curso: 14 abril.

IMPORTE DOS CURSOS: Será aboado na conta do Concello na oficina de Caixa Galicia en Arca, ata o día 8 de abril. Débese acreditar mediante a entrega no Concello do correspondente resgardo. Se non se cumpre este requisito, o alumno/a será dado de baixa no curso.

• Informática: 20€ por mes. Total: 60€

PRAZO DE INSCRICIÓN: Ata o 8 de abril de 2009.

INSCRIPCIÓN: Na Biblioteca Municipal (Centro Sociocultural Luis Seoane) ou na Aula de Informática do Concello. Máis datos no teléfono 981 51 10 65.

O Pino, 9 de marzo de 2009

O ALCALDE

D. Manuel Taboada Vigo

CURSO PARA HOSTELERÍA E COMERCIO

D. Manuel Taboada Vigo, Alcalde-Presidente do Concello de O Pino

INFORMA: Que o Concello de O Pino abre a convocatoria para inscribirse nun curso intensivo de inglés básico. Incluirase un módulo técnico-turístico e un módulo para manexar a factura e a sinatura electrónica.

BENEFICIARIOS: Maiores de 16 anos, relacionados co turismo e o comercio.

ALUMNADO: O grupo é de 15 alumnos. Respétase a orde de inscripción.

ORGANIZACIÓN DO CURSO: O curso ten unha duración de 40 horas, distribuídas en 2 horas a impartir 3 días cada semana. O módulo de factura electrónica impartirase nunha tarde. O técnico-turístico é para coñecer a nova Lei de Turismo, non é presencial. Haberá un inspector que resolva as dúbidas dos alumnos, aos que se lles entregará unha copia da citada Lei.

IMPORTE DO CURSO: Gratuito.

INICIO DAS CLASES: Comezarán o 10 de marzo. Horario: 17:00 a 19:00 horas (negociable cos alumnos).

LUGAR DAS CLASES: Centro Sociocultural Luis Seoane (Arca)

COLABORA: Dirección Xeral de Turismo, Consellería de Innovación e Industria.

INSCRIPCIÓN: Na Biblioteca Municipal, no Centro Sociocultural Luis Seoane ou na Aula de Informática do Concello. Máis datos no teléfono 981 51 10 65.

O Pino, 19 de febreiro de 2009

O ALCALDE

D. Manuel Taboada Vigo

GAÑADORES DO X CONCURSO DE CARTEIS DE ENTROIDO

CATEGORÍA DE 3 A 7 ANOS: Clase de 5 anos de Infantil do CPI "Camiño de Santiago".

CATEGORÍA DE 8 A 11 ANOS: Cristina Cancelo Martínez

CATEGORÍA DE 12 A 17 ANOS: Sandra Goyanes Martínez

O concello de O Pino celebra este domingo o Entroido con música e o tradicional concurso de disfraces

O Pino, 17 de febreiro.- Ás portas do Entroido un ano máis, o Concello de O Pino decide sumarse á súa celebración coa tradicional verbena e concurso de disfraces. A cita será este domingo, día 22, a partir das 17:00 horas. Se as condicións climatolóxicas o permiten, levarase a cabo na Praza do Concello, e, en caso de choiva, trasladaranse as actividades ó polideportivo municipal. Estamos xa na undécima edición do concurso de disfraces, que premiará seis categorías. Trátase da de Mellor Disfraz Infantil, dotada con 90€; Disfraz Máis Orixinal, cun premio de 100€; Mellor Disfraz Individual, con 110€; o Mellor Disfraz de Parella, que levará 130€; Mellor Disfraz de Grupo, cun premio de 180€ e o Mellor Disfraz de Comparsa (con máis de 10 membros), dotado con 350 €. Os interesados teñen que anotarse no lugar de celebración do concurso durante a hora previa ó inicio do mesmo. É dicir, a partir das 16:00 horas.

Durante o acto tamén se fará entrega dos premios do X Concurso de Carteis do Entroido. Un deles corresponde ós rapaces de 5 anos da Aula de Infantil do CPI Camiño de Santiago, con Beatriz Vives como titora. A súa proposta foi a utilizada pola Concellería de Educación e Cultura para anunciar a celebración desta festa por todo o municipio. Na categoría de 8 a 11 anos recollerá o seu premio Cristina Cancelo, e na de 12 a 17 anos, fará o propio Sandra Goyanes. Asemade, o Concello dará un agasallo a tódolos rapaces menores de 10 anos que o día do concurso vaian disfrazados.

Trátase dunha iniciativa que parte da Asociación Os Marteiros e que reunirá aos tres grupos de música tradicional que existen no municipio

O Concello de O Pino prepara a II Festa do Folk

O Pino, 26 xaneiro.- O Auditorio do Centro Sociocultural Luis Seoane acolle na tarde do sábado, 7 de febreiro, a II Festa do Folk. Unha cita que congregará, a partir das 19:00 horas, aos amantes da música de raíz para escoitar xuntos, por primeira vez, as tres formacións tradicionais que arestora existen en O Pino. Trátase de Os Marteiros, da parroquia de Arca; Airiños de Gonzar, como o seu nome indica, da parroquia de Gonzar, e a Asociación Reviravolta, de Lardeiros.

O concerto, con entrada libre, chega co apoio do Concello de O Pino, e pretende difundir entre os veciños e asistentes o traballo que levan a cabo estas agrupacións, algunhas con anos de historia, como é o caso de Reviravolta. Todas elas apostan pola incorporación de xente nova, incluso rapaces, recuperando tradicións de hai anos e que configuran parte da nosa identidade cultural.

ENTROIDO 2009

X CONCURSO DE CARTEIS

I.- Poden participar tódolos rapaces do Concello de O Pino.

II.- Os carteis serán en tamaño folio (DIN A4) e deberán levar a lenda “O Pino, Entroido 2009”.

III.- O prazo de presentación dos carteis remata o venres, día 6 de febreiro de 2009. Deben presentarse no Concello de O Pino, no Centro Sociocultural Luis Seoane ou ben no CPI Camiño de Santiago. Teñen que levar no reverso o nome, idade, enderezo e teléfono do autor.

IV.- Outorgaránse premios nas seguintes categorías:

1ª Categoría: 3 a 7 anos

2ª Categoría: 8 a 11 anos

3ª Categoría: 12 a 17 anos

V.- Os premios estarán adaptados ás idades dos participantes en cada categoría.

VI.- Os premios entregaranse o domingo día 22 de febreiro, durante o Concurso de Disfraces organizado polo Concello.

VII.- A selección dos carteis vaina realizar un xurado presidido polo Alcalde.

VIII.- O cartel premiado será o que se utilice para anunciar o Entroido por todo o concello.

O Pino, xaneiro de 2009

O Alcalde,

Asdo. Manuel Taboada Vigo

O Pino amplía o prazo para anotarse a un curso de galego

O Pino, 19 de xaneiro.- A Concellería de Educación e Cultura do Concello de O Pino decidiu ampliar o prazo para anotarse a un curso de galego a desenvolver nos vindeiros meses. Para poder realizalo, é necesario que haxa 25 persoas inscritas. Trátase dun curso de carácter gratuito, homologado pola Xunta; é dicir, é valedeiro para optar ós exames do Celga. A preinscripción pódese realizar na Biblioteca Municipal, na Aula de Informática ou no Centro Sociocultural Luis Seoane. Só é necesario deixar os datos de contacto e o número do DNI.

Por outra banda, aínda quedan algunhas prazas para o Curso de Informática de Perfeccionamento, que se imparte os martes e xoves de 21:30 a 23:00 horas na Aula de Informática municipal. Ten unha duración de tres meses, e o custo total é de 60€. Para poder participar, é necesario ter máis de 16 anos e presentar o recibo de Caixa Galicia (na súa oficina de Arca), acreditativo de ter pagado o curso completo. Amén, débese cubrir unha ficha ben na propia Aula de Informática, ou ben no Centro Sociocultural Luis Seoane.

Pódese obter máis información Inos teléfonos 981 511065 ou 981 511060. Tamén no enderezo de correo electrónico cultura@concellodeopino.com.

Función teatral no Concello de O Pino para clausurar o programa de actividades de Nadal

Chega á súa fin o programa de actividades posto en marcha polas Concellerías de Educación e Cultura e a de Deportes no Concello de O Pino para o Nadal 2008. O broche á programación vaillo poñer mañá sábado a obra de teatro “Vostede pode ser un asasino”, que se vai representar a partir das 19:00 horas no Centro Sociocultural Luis Seoane. Os actores son os integrantes da compañía Mámoa, do Concello de Teo.

Trátase dun grupo de teatro afeccionado da localidade de Luou, que xa escenificou esta divertida obra en numerosos puntos da comarca compostelana. A montaxe é unha comedia de enredo con moitas situacións cómicas: líos, chantaxes, asasinatos e sorpresas contínuas. É unha obra apta para tódolos públicos. Como é habitual, a entrada é libre.

Pecha así o Concello de O Pino a súa programación de Nadal, que incluiu o concerto da Banda de Música de Arca, o II Festival de Corais, o Nadal Lúdico para os máis pequenos, maxia co Teatro Máxico do Mago Romarís, así como a tradicional Cabalgata.

Un dos momentos de "Vostede pode ser un asasino"

O Pino entrega os premios do IV Concurso de Fotografía

Helena García Muñoz, Inmaculada Mosquera Pereiro e Patricia Santos Mosquera son as tres mulleres que este mércores recolleron os primeiros premios correspondentes ao IV Concurso de Fotografía Concello de O Pino. O certame, organizado pola Concellería de Educación e Cultura, premia as mellores imaxes en tres categorías: Natureza, Patrimonio e Personaxes. Cada una das tres gañadoras recibiu un premio en metálico de 125€. Ademais, foron galardoados outras dúas persoas en cada categoría. En Patrimonio, o segundo premio foi para Ángela Santos (75€) e o terceiro (50€), para Justo García. En Natureza, a medalla de prata recibiuna tamén Patricia Santos, e o terceiro premio foi para Javier Fariña. E en Personaxes, ademais de Inmaculada Mosquera, o segundo premio foi para Consuelo Pérez e o terceiro, para Yolanda Martínez.

As fotografías poderán contemplarse a partir da semana que vén na entrada do Concello de O Pino, ademais de configurar o calendario municipal para este 2009, que se pode recoller de balde nas oficinas municipais (situadas en Pedrouzo-Arca). O acto de entrega de premios tivo lugar no Museo Etnográfico da casa de turismo rural O Muíño de Pena, que colabora coa iniciativa dende os seus inicios. Cos seus responsables, Antonio Castro e Maruja Pena, estiveron o Alcalde, Manuel Taboada, e a Concelleira de Educación e Cultura, María José Gómez.

Premiados e acompañantes, cos responsables de O Muíño de Pena e o Alcalde, Manuel Taboada

O Pino acolle este sábado o segundo certame de corais

O Pino, 29 de decembro.- Dentro da programación de Nadal organizada polas Concellerías de Educación e Cultura e Deportes, os veciños de O Pino teñen esta fin de semana a oportunidade de asistir ó segundo Certame de Corais. É unha cita organizada conxuntamente co Coro de Arca, que terá lugar o sábado, 3 de xaneiro, a partir das 19:30 horas, no Auditorio do Centro Sociocultural Luis Seoane. Acompañando á agrupación local estarán o Coro de Calo (Teo), dirixido por Paulo Gacio; a Coral Airiños de A Capela, baixo a batuta de Juan Brage, e a Coral Carrocera con Miguel García á fronte.

O Coro de Arca, anfitrión, actuará dirixido por Daniel Sánchez, e con Adrián Regueiro a cargo da parte instrumental. Cada unha das agrupacións interpretará tres temas, para pechar o acto cunha actuación conxunta, o Himno Galego. Ademais, os asistentes a esta cita musical desfrutarán dunha sorpresa, consistente na actuación do Grupo de Cámara Cantares, composto por un grupo de estudantes que conforman un grupo de voces mixtas duns 20 compoñentes. O seu repertorio inclúe obras de música antiga, popular, cancións modernas e versións de diferentes obras. A de Arca suporá a súa primeira actuación, dirixidos por Adrián Regueiro García.

Teatro Máxico

En canto ao domingo, os máis pequenos teñen a oportunidade de pasar unha agradable tarde co espectáculo “Teatro Máxico”. Trátase da última montaxe do Mago Romarís, que se ubicará na Praza do Concello a partir das 17:00 horas. Haberá catro pases: ás 17, 18, 19 e 20 horas. As entradas, gratuitas, pódense recoller no Concello ou no Centro Sociocultural Luis Seoane.

A Banda de Música de Arca ofrece este domingo o seu tradicional Concerto de Nadal

O Auditorio do Centro Sociocultural Luis Seoane é o escenario onde os amantes da boa música se poderán deleitar, este vindeiro domingo, co tradicional concerto que sempre polo Nadal ofrece a Banda de Música de Arca, dirixida por José Mª Blanco Pampín. A agrupación, unha das máis antigas de Galicia, comezará o seu recital a partir das 19:00 horas, e nel incluirá tanto pezas moi coñecidas xa polo público como as últimas obras que estiveron a preparar. Con algunha delas veñen de acadar o segundo premio na Categoría III do Certame Galego de Bandas de Música, celebrado recentemente no Auditorio de Galicia, en Santiago de Compostela.

Tampouco faltará unha pequena sorpresa argallada polos máis pequenos, integrantes da Escola de Música que dende hai anos ten en marcha a Banda. Como é habitual, a entrada a este recital é libre. Un concerto que sempre reuniu a centos de persoas, e que antes se celebraba na Igrexa parroquial de Arca. Un enclave que houbo que cambiar, posto que as dimensións do templo se quedaban pequenas ante o tamaño da Banda e a gran cantidade de seguidores que se achegaban a este concerto.

Nestes intres a Banda de Música de Arca, fundada no ano 1865, é unha das máis antigas de Galicia, con 143 anos de historia ás súas costas. A agrupación ten tódolos anos unha importante axenda de actuacións espalladas por toda Galicia, que se poden consultar na súa web www.bandadearca.com, onde tamén podemos atopar a historia da agrupación, galerías de imaxes, etc.

   Coincidindo coa celebración do Programa "Nadal Lúdico" o Concello de O Pino órganizará un obradoiro científico titulado “A ciencia máxica” con tres experimentos sobre:

*     A electricidade estática: o xenerador “Van de Graff”, que pon os pelos
de punta aos nenos e fai bailar distintos obxectos no aire.

*     A presión: cómo introducir un “Ovo nunha botella”.

*     A presión: “O globlo caprichoso”, que entra e sae só ó seu antollo.

   A actividade irá dirixida a tódalas idades e celebrarase o vindeiro luns 22 de decembro no polideportivo municipal a partir das 16:45 horas. Entrada gratuita.

Papá Noel visita aos escolares do concello de O Pino

150 rapaces de entre 1 e 7 anos recibiron esta mañá a visita de Papá Noel nas súas respectivas aulas. Trátase dunha tradicional ronda que Santa Claus realiza ano tras ano, e que inclúe as visitas ás tres escolas unitarias: Castrofeito, Gonzar e Ferreiros, así como ó Punto de Atención á Infancia (PAI) e ás clases de Infantil, 1º e 2º no CPI Camiño de Santiago.

Papá Noel recolleu as cartas de tódolos cativos e entregoulles, como xentileza do Concello de O Pino, un agasallo educativo adaptado a cada idade. Ademais de moitos bonecos, os cativos solicitan sobre todo, neste 2008, ordenadores portátiles de xoguete e contos.

Rapaces do PAI, Asun e Vanessa con algúns pais durante a visita

Os rapaces de Infantil (3, 4 e 5 anos) do CPI Camiño de Santiago

Inaugurada no Centro Sociocultural “Luis Seoane” a exposición “Médicos Artistas Plásticos de Galicia no Camiño”

 O Alcalde de O Pino, Manuel Taboada, acompañado polo seu homólogo de Palas de Rei, Fernando Pensado, e por Mario Hortas, coordinador da mostra, foron os encargados de abrir as portas da exposición itinerante “Médicos Artistas Plásticos de Galicia no Camiño”. A mostra está organizada polo concelloo de Palas de Rei, en colaboración coa Mancomunidade de Municipios Galegos do Camiño Francés, da que forma parte O Pino. Ata o de agora, a iniciativa xa visitou os concellos de Palas de Rei, Monterroso, Sarria, Pedrafita, Samos, Triacastela, Paradela, Portomarín, Melide e Arzúa.

A mostra estará en Arca ata o día 8 de Decembro. Pódese visitar en horario de mañá e tarde no Centro Sociocultural Luis Seoane. Pola mañá en horario de 10:30 a 14:00 horas, e pola tarde, de 16:00 a 19:30 horas.

De esq. a dta, Fernando Pensado, Mario Hortas e Manuel Taboada

Parte dos cadros, fotografías e esculturas que compoñen a mostra

Inauguración da exposición itinerante "Médicos Artistas Plásticos de Galicia no Camiño"

O Centro Sociocultural Luis Seoane acolle mañá martes, día 25 de Novembro, ás 20:00 horas, a inauguración da primeira exposición itinerante "Médicos Artistas Plásticos de Galicia no Camiño".  A mostra está organizada pola Mancomunidade de Municipios Galegos do Camiño Francés, da que forma parte O Pino. Ata o de agora, a iniciativa xa visitou os concellos de Palas de Rei, Monterroso, Sarria, Pedrafita, Samos, Triacastela, Paradela, Portomarín, Melide e Arzúa. Despois de estar en O Pino, irá a Santiago e a Lugo, en datas aínda por determinar. No Centro Sociocultural Luis Seoane permanecerá ata o día 8 de Decembro.

A exposición contén obras de 19 médicos. Son José Luis Bueno Díaz, Victoria C. Ocampo, J. Antonio Díaz Pedreira, Generosa Franco Martínez, X. García Albeos, Ignacio Granero Martín, Cesáreo Hernández Pérez, Mercedes Hernández Ruiz, Mario Hortas Guldrís, J. Luis Iglesias Díz, Lourdes Maceiras García, Miguel Ángel Mantilla González, Xoán Piñón Prado, Manuel Robles González, Alberto Rodríguez Costa, Xesús Vázquez Gallego, Fidel Vidal Pérez, Xan Vieito Fuentes e Roberto Vila Rodríguez.

Ademais da Mancomunidade e os Concellos, a mostra chega avalada polas colaboracións da Deputación de Lugo, Academia Postal e A.M.A. (Agrupación Mutual Aseguradora).

A inauguración, de ENTRADA LIBRE, comezará ás 20:00 horas.

IV CONCURSO DE FOTOGRAFÍA “CONCELLO DE O PINO”

A Concellería de Educación e Cultura do Concello de O Pino convoca o “IV Concurso de Fotografía Concello de O Pino”. Ten o obxectivo de potenciar a creatividade dos veciños/as do municipio, fomentando o coñecemento e disfrute do propio territorio. Convócase en función das seguintes bases:

BASES

I.- O tema das imaxes é calquera relacionado con O Pino e tódalas súas parroquias: natureza, patrimonio, actividades, personaxes...etc. As fotografías deberán ser inéditas. Establécense tres categorías:

• Personaxes

• Natureza

• Patrimonio

II.- O xurado valorará especialmente a calidade artística dos traballos presentados.

III.- Os traballos presentaránse nun sobre pechado cun lema ou título escrito por fóra e ben especificada a categoría. No seu interior incluirase a imaxe ou imaxes presentadas, e noutro sobre pechado, a identidade do autor e datos de contacto.

III.- As fotografías poden ser en cor ou branco e negro. Non se admiten diapositivas. Deben presentarse impresas, cun tamaño de 15 x 20 cm. (sen marco físico; é indiferente o marco branco que inclúen algunhas impresións). Non se admitirán fotografías de menor ou maior tamaño. No dorso do sobre onde se inclúan, poñerase únicamente un lema ou título. Quedarán anulados os sobres que leven á vista o nome do autor/a da imaxe.

IV.- Tódalas imaxes presentadas pasarán a formar parte dun arquivo creado para uso municipal, e poderán ser expostas, divulgadas ou reproducidas, citando sempre o nome do autor ou autores. Utilizaranse na elaboración do calendario municipal 2009.

V.- Cada participante poderá concorrer cun máximo de tres fotografías en cada categoría.

VI.- O prazo de admisión remata o luns, 1 de decembro de 2008, ás 14:30 horas.

VII.- As fotografías deben presentarse no Concello de O Pino (Avenida de Santiago, s/n, Arca, CP 15821) ou na Casa da Cultura (Rúa do Peregrino, nº 10, Pedrouzo, Arca, CP 15821). Se se envían por correo, débese indicar por fóra “IV Concurso de Fotografía Concello de O Pino”.

VIII.- O fallo do xurado é inapelable. Estará conformado por un grupo de cinco persoas: o Alcalde, a Concelleira de Educación e Cultura e tres persoas relacionadas co mundo da arte ou da fotografía.

IX.- Establécense os seguintes premios:

Categoría Personaxes:

• 1º Premio: 125 euros.

• 2º Premio: 75 euros.

• 3º Premio: 50 euros.

Categoría Natureza:

• 1º Premio: 125 euros.

• 2º Premio: 75 euros.

• 3º Premio: 50 euros.

Categoría Patrimonio:

• 1º Premio: 125 euros.

• 2º Premio: 75 euros.

• 3º Premio: 50 euros.

X.- A entrega de premios realizarase nun acto cuxa data e hora será comunicada a tódolos presentados oportunamente.

XI.- A participación neste concurso implica a aceptación das bases.

O Pino, novembro de 2008

  CONCERTO DIDÁCTICO PARA OS ESCOLARES DO CPI CAMIÑO DE SANTIAGO

O Auditorio do Centro Sociocultural Luis Seoane acolle este venres, día 14, ás 13:00 horas, o primeiro concerto didáctico que se programa no municipio. Trátase dunha actuación do quinteto de vento “Pentafonía”, que interpretará varias pezas como Hansel y Gretel. O grupo está composto por David Martínez Lombardía, Xosé Manuel Rosales, Samuel Pérez Llobel, Xosé Alexandre Valcárcel e Martiño Baleirón. Asistirán os rapaces do CPI Camiño de Santiago de entre 5 e 11 anos.

O obxectivo deste tipo de recital é propiciar entre os cativos unha actitude aberta e positiva ante este tipo de expresión artística, fomentando o hábito de escoitar música con atención e comprendéndoa. A actuación de “Pentafonía” enmárcase no programa de actos que a Concellería de Educación e Cultura ten en marcha, compaxinados coa formación que se ofrece no CPI Camiño de Santiago.

Escolares de O Pino asisten este vernes a una sesión de contos para conciencialos do coidado do medio ambiente

Máis dun cento de rapaces escolarizados no CPI Camiño de Santiago van ter este venres a oportunidade de participar nunha sesión de contacontos a cargo do grupo “Conta e Canta”. Eles serán os encargados de poñer en escea a obra Contos das estacións. Trátase de varias historias que narran o cambio das estacións deténdose no máis simbólico delas. Aínda que tamén hai un perigo: o cambio climático, que está a variar o tempo. A montaxe propón aos rapaces unha viaxe lúdica e educativa con teatro, música, narración, sombras chinas, xogos activos e de participación, nun espectáculo que promove o respeto pola natureza e o medio que nos rodea.

A obra vaise representar este venres, 7 de novembro, ás 13:00 horas, no Auditorio do Centro Sociocultural Luis Seoane (Arca). A ela asistirán os rapaces dos ciclos de Infantil e Primaria do CPI Camiño de Santiago. A representación forma parte da oferta cultural que tódolos cursos fai o Concello de O Pino, conxugando a parte lúdica coa didáctica, para que os cativos se vaian concienciando de valores fundamentais, como, por exemplo, neste caso, o coidado do medio ambiente.

Tras isto, a próxima cita para os rapaces é un concerto didáctico-o primeiro que se fai no Concello-a cargo do Quinteto de Vento Pentafonía. Será o venres, 14 de novembro, tamén ás 13:00 horas, e no mesmo escenario, o Auditorio da Casa da Cultura.

EXCURSIÓN Á ZONA DO RIBEIRO

O Concello de O Pino, a través da Concellería de Educación e Cultura, organiza unha viaxe o sábado, 29 de novembro. Os menores de 13 anos necesitan ir acompañados dun adulto responsable, e todos os menores de idade necesitan cubrir unha autorización.

A viaxe consiste en: Saída ás 08:00 da Praza do Concello (Pedrouzo-Arca), con destino a Ribadavia. Visita ao casco histórico da vila con degustación de postres xudíos e viño do Ribeiro. Xantar. Pola tarde visita ao Mosteiro de Oseira, á Vila de Cea e a un forno de pan. Regreso aproximado ás 21:00 horas.

O custo da viaxe á de 25€ para as persoas empadroadas neste Concello (que terá preferencia á hora da inscrición), e de 35€ para os non empadroados. Inclúe xantar e entradas aos lugares da visita. O autobús subvenciónao o Concello.

As persoas interesadas poden inscribirse na Aula de Informática (Praza do Concello) ou na Biblioteca Municipal (Casa da Cultura) antes do 25 de novembro en horario de luns a venres de 10 a 14 horas, e de 16:00 a 19:00.

O Pino, 29 de outubro de 2008

O Alcalde

Manuel Taboada Vigo

Estes son os novos horarios da Biblioteca Pública Municipal e da Aula de Informática. A Biblioteca está no Centro Sociocultural Luis Seoane, pasando a porta principal, torcendo á esquerda en dirección ó Centro Médico. O seu teléfono é o 981 51 10 60. A Aula de Informática permanece no edificio do Concello.

BIBLIOTECA

LUNS	MARTES	MIÉRCOLES	XOVES	VENRES	SÁBADO
10:00 a 11:30	10:30 a 11:30	10:00 a 11:30	10:30 a 11:30	10:00 a 11:30
18:00 a 19:30	16:00 a 17:30	18:00 a 19:30	16:00 a 17:30	18:00 a 19:30

AULA DE INFORMÁTICA

LUNS	MARTES	MIÉRCOLES	XOVES	VENRES	SÁBADO
11:30 a 14:00	11:30 a 14:00	11:30 a 14:00	11:30 a 14:00	11:30 a 14:00
16:00 a 18:00	17:30 a 19:00	16:00 a 18:00	17:30 a 19:00	16:00 a 18:00

Dúbidas ou suxerencias:

biblioteca@concellodeopino.com

cultura@concellodeopino.com

O Pino presenta a súa oferta de cursos para o período 2008-2009

O Pino, 23 de setembro.- Informática, manualidades, debuxo/pintura e inglés. Esta é parte da oferta lectiva que o concello de O Pino presenta para os seus veciños neste curso 2008-2009. Para poder participar en calquera deles é necesario ter máis de 16 anos e estar empadroado no propio municipio. Dende o pasado curso, cóbrase unha taxa por alumno, para evitar o absentismo que se produciu en anteriores edicións. Os cursos de informática e inglés custan 20€ por mes e duran 3 meses. Os outros dous teñen un custo de 15€ por mes.

Os cursos de Informática desenvolveranse en dúas quendas, na Aula de Informática municipal (Casa do Concello). O primeiro deles comeza o día 6 de outubro e prolongarase ata finais de decembro. O segundo será de xaneiro a marzo. Os alumnos que se inscriban no primeiro non o poderán facer no segundo. Serán como máximo dez alumnos por grupo, e haberá dous grupos por curso. As clases serán de 20:00 a 21:30 o primeiro turno, e de 21:30 a 23:00 horas o segundo. Un dos turnos será de iniciación e no outro trataranse programas xa máis específicos.

En canto a manualidades, as clases vanse impartir tódolos mércores, de 19:00 horas a 21:00. Comezarán o 6 de outubro. O curso de debuxo e pintura, será impartido os luns, tamén de 19:00 a 21:00 horas. O lugar de ámbolos dous está por determinar, en función da procedencia da maioría dos alumnos. E polo que respecta ó curso de inglés, vai ter unha duración inicial de 3 meses, ampliables de hai demanda. Trátase dun curso eminentemente oral, para lembrar ou iniciarse neste idioma. Diríxese sobre todo a comerciantes, hosteleiros e persoas en relación directa con peregrinos. Impartirase un día á semana, de 17:30 a 19:30 horas.

O importe dos cursos debe ser aboado na conta do Concello en Caixa Galicia polo total do curso se éste é de 3 ou menos meses (neste caso informática e inglés, cun custo total de 60€ cada un). Se o curso é de máis de 3 meses, agora hai que pagar a metade, e a outra metade en febreiro (agora serían 60€ e en febreiro, outros tantos). Acreditarase mediante a entrega no concello do correspondente resgardo de ingreso.

Informática para hosteleiros

Unha das novidades este ano é a realización, no mes de outubro, dun curso de informática específico para traballadores do sector da hostelería, en colaboración coa Dirección Xeral de Turismo. Ten unha duración de 35 horas lectivas, e outras tantas de titoría, repartidas entre tódolos alumnos. Impartirase de luns a venres, en horario de 17:00 a 19:00 horas, na Aula de Informática municipal. É gratuito. Limítase a 15 persoas, por orde de inscripción.

As solicitudes para calquera dos cursos atenderanse por rigurosa orde de inscripción, na Biblioteca Municipal (Centro Sociocultural Luis Seoane), no propio Centro Sociocultural ou na Aula de Informática do Concello. O impreso de solicitude tamén se pode descargar da páxina web: www.concellodeopino.com. O prazo para anotarse remata o 3 de outubro. Pódese recibir máis información nos teléfonos 981 511065 ou 981 511060.

(CONSULTAR BANDOS DOS CURSOS NESTA MESMA PÁXINA)

CURSO DE INFORMÁTICA PARA HOSTELERÍA

 

D. Manuel Taboada Vigo, Alcalde-Presidente do Concello de O Pino

INFORMA: Que o Concello de O Pino abre a convocatoria para inscribirse nun curso de informática dirixido aos traballadores do sector da hostelería.

BENEFICIARIOS: Persoas empadroadas no Concello, maiores de 16 anos.

CARACTERÍSTICAS DO CURSO:

-- DURACIÓN: 35 horas de clase e 35 horas de tutoría persoalizada (repartidas entre os alumnos).

-- CONTIDO: Word e Excel e contacto coas Novas Tecnoloxías.

-- HORARIO: De luns a venres, de 17:30 a 19:30 horas

-- LUGAR: Aula de Informática (Praza do Concello, Arca)

COLABORA: Dirección Xeral de Turismo (Consell. De Innovación e Industria)

IMPORTE DOS CURSOS: Gratuito.

PRAZO DE SOLICITUDE: Ata o 1 de outubro de 2008.

INSCRIPCIÓN: No Concello de O Pino (Aula de Informática-Ana Vigo) ou ben no Centro Sociocultural Luis Seoane. Para máis información: 981 511065 ou 981 511060. Curso LIMITADO A 15 PERSOAS. Unha vez cuberto o cupo, os solicitantes pasarán a lista de espera, por se houbera renuncias ou baixas.

O Pino, 22 de setembro de 2008

O ALCALDE

D. Manuel Taboada Vigo

CURSOS MUNICIPAIS 2008/2009

D. Manuel Taboada Vigo, Alcalde-Presidente do Concello de O Pino

INFORMA: Que o Concello de O Pino abre a convocatoria para inscribirse nos diferentes cursos de formación ofertados dende esta entidade.

BENEFICIARIOS: Persoas empadroadas no Concello, maiores de 16 anos.

CURSOS A IMPARTIR: Grupos como máximo de 12 alumnos.

1.- INFORMÁTICA: Horarios: 20:00-21:30 (1º turno), e de 21:30-23:00 (2º turno). Duración: 3 meses. O 1º curso é de iniciación. O segundo, de programas máis avanzados. 1ª quenda: 6 outubro. 2ª quenda: 12 xaneiro.

2.- INGLÉS: Para manter conversas básicas. Clases prácticas. Iniciación e repaso. Horario provisional: 17:30 a 19:30 h., unha día á semana. Duración: 3 meses (pódese aumentar). Posibilidade de facer un 2º turno.

3.- DEBUXO E PINTURA: Outubro 2008-Maio de 2009. Luns, de 19:00 a 21:00 horas. Inicio: 6 outubro.

4.- MANUALIDADES: Outubro 2008-Maio 2009 (ambos incluídos). Mércores, 19:00 a 21:00 horas. Inicio: 6 outubro.

IMPORTE DOS CURSOS: Será aboado na conta do Concello na oficina de Caixa Galicia en Arca, ata o día 3 de outubro. Os cursos de 3 ou menos meses, débese pagar o TOTAL. Nos de máis de 3 meses, o 50% agora e o restante, en febreiro. Débese acreditar mediante a entrega no Concello do correspondente resgardo. Se non se cumpre este requisito, o alumno/a será dado de baixa no curso.

• Informática: 20€ por mes. Total: 60€

• Inglés: 20€ por mes. Total: 60€

• Debuxo/Pintura: 15€ por mes. Total: 120€

• Manualidades: 15€ por mes. Total: 120€

PRAZO DE SOLICITUDE: Ata o 3 de outubro de 2008.

IMPRESOS DE INSCRICIÓN: Na páxina web do Concello, www.concellodeopino.com, ben nas Oficinas Municipais (981 51 10 02) ou no Centro Sociocultural Luis Seoane (981 51 10 65 / 981 51 10 60).

O Pino, 22 de setembro de 2008

O ALCALDE

D. Manuel Taboada Vigo

Proxección da espectacular cinta "Tierra" sobre os efectos do cambio climático

A Praza do Concello (Pedrouzo-Arca) é o escenario onde, se a choiva o permite, poderemos ver este sábado, 23 de agosto, a proxección dunha das cintas máis espectaculares rodadas nos últimos anos. Trátase do documental "Tierra", a película que foi realizad coas máis novidosas cámaras de alta definición. Co Sol como guía, vainos levando cara unha apaixonante viaxe, que nos fai recalar no Ártico, onde unha familia de osos polares esperta na primavera na busca de comida, antes do desxeo. A moitos quilómetros de alí, contemplamos a unha elefanta e á súa cría, que comparten a escasa auga da que dispoñen, buscando o líquido elemento desesperadamente. Tamén acompañaremos a unha balea na súa migración de 6.000 quilometros ata a Antártida, na compaña da súa cría.

Unha espléndida viaxe, que nos fai ser conscientes das marabillas do noso planeta e das consecuencias que ten o famoso "cambio climático". En caso de que chova, a proxección realizarase no Centro Sociocultural Luis Seoane.

A Banda de Música de Arca ofrece un concerto baseado en coñecidas bandas sonoras cinematográficas

A Praza do Concello (Pedrouzo-Arca) é o escenario elixido para a realización dunha interesante e novidosa iniciativa da Banda de Música de Arca, patrocinada polo Concello de O Pino. Trátase da realización dun concerto onte os integrantes da centenaria formación interpretarán fragmentos das bandas sonoras orixinais de coñecidas películas, mentres o público presente desfruta das imaxes desas cintas, nunha gran pantalla instalada para tal fin no lugar antes indicado. O recital comezará unha vez que se poña o Sol, aproximadamente a partir das 22:30 horas, e, como é habitual, con entrada libre.

O programa inclúe a interpretación de bandas sonoras tan coñecidas como as pertencentes ás películas “El fantasma de la ópera”, “Memorias de África”, “La lista de Schlinder”, “Robin Hood”, “Bailando con Lobos”, “Piratas del Cariba” ou “Parque Jurásico”. Películas que todos coñecemos, e que veremos con outros ollos cando escoitemos as súas coñecidas melodías interpretadas pola formación que dirixe Jose Mari Blanco Pampín. Nestes intres a Banda de Música de Arca, fundada no ano 1865, é unha das máis antigas de Galicia, con 143 anos de historia ás súas costas. A agrupación ten tódolos anos unha importante axenda de actuacións espalladas por toda Galicia, que se poden consultar na súa web www.bandadearca.com, onde tamén podemos atopar a historia da agrupación, galerías de imaxes, etc.

A parroquia de Lardeiros acolle o sábado a VI Festa da Malla e o V Festival “O Pino Folk”

A parroquia de Lardeiros (N-634, con destino a Curtis) acolle este sábado a sexta edición da Festa da Malla. A iniciativa, que partiu da Asociación Cultural Reviravolta, recrea todo o proceso da tradicional malla, e conta coa presenza de elementos como máquinas de mallar de hai moitos anos ou outros aparellos utilizados antaño para tal fin. Trátase dunha cita que cada ano congrega a máis veciños e visitantes, e que vai comezar ás seis da tarde.

Previamente, a organización decidiu programar de novo nesta edición unha concentración de coches antigos. Sairán ás doce do mediodía da Praza do Concello (Pedrouzo, Arca), para percorrer parte do municipio e reunirse en Lardeiros, na Carballeira de Vimieiro, xusto ó carón de onde se celebrará pola tarde a malla. Os interesados en pasar todo o día no concello teñen un servizo de pulpería na propia carballeira. Tamén hai programados unha serie de xogos populares, amenizados por música tradicional.

A xornada complétase co V Festival Folk, que comeza ás nove da noite e que porá sobre o escenario ós grupos Tiruleque, Fiandola e os coñecidos pontevedreses Quempallou.

Cine e un divertido espectáculo circense centran a programación desta fin de semana

Tres películas de actualidade compoñen a oferta cinematográfica gratuita que os veciños e visitantes de O Pino imos poder desfrutar este verán. A primeira das cintas, programada dentro do ciclo “Noites de Cine”, en colaboración coa Deputación da Coruña, pódese visionar este sábado, día 19, a partires das 22:00 horas, na Praza do Concello. Trátase da comedia “Pequeña Miss Sunshine”. Previamente, entre as 18:00 e as 21:00 horas, celebrarase o Día do Neno, con inchables e xogos. A esta película seguiralle, o sábado 26 de xullo, outra película para cativos, “Arthur y los Minimoys”, que acadou gran éxito de público nas salas convencionais. A triloxía de proxeccións complétaa o fermoso e impatancte documental “Tierra”, que, a través de imaxes de animais, nos conciencia do efecto do cambio climático. Poderase ver o sábado, 23 de agosto, tamén ás 22:00 horas.

Por outra banda, dentro do programa “Vai de Camiño”, a Praza do Concello (Arca), vai ser escenario este domingo, a partir das 19:00 horas, da representación de “O pequeño circo dos milagres”. Un espectáculo que usa as recoñecidas técnicas de Novo Circo para representar aparicións divinas, curacións espontáneas, relatos marabillosos e moito humor. Tamén, ó igual que o resto de propostas, é de balde.

PROGRAMA VERÁN LÚDICO (semana cultural)  (DO 7 O 12 DE XULLO)

Programación para o verán lúdico entre o 7 e 12 de xullo na piscina. 

Tódolos días haberá música ambiente e moitas sorpresas. 

No entorno da piscina municipal. 

Horario

De 17 a 20 horas. 

Para tódalas idades. 

Entrada gratuita.

LUNS 7 DE XULLO

AQUAVOLEY

TALLER DE MODELAXE

TALLER DE CESTERÍA

MARTES 8 DE XULLO

INCHABLES ACUATICOS

INCHABLES TERRESTRES

TALLER DE MAQUILLAXE

MÉRCORES 9 DE XULLO

WATERPOLO

TALLER DE MODELAXE

TALLER DE CESTERÍA

XOVES 10 DE XULLO

INCHABLES TERRESTRES

INCHABLES ACUÁTICOS

TALLER DE TATUAXES DE HENA

VENRES 11 DE XULLO

AQUAVOLEY

TALLER DE BARRO

TALLER DE CESTERÍA

SÁBADO DIA 12 DE XULLO

INCHABLES ACUATICOS

TALLER DE ESTAMPACIÓN DE CAMISETAS

TALLER DE GLOBOFLEXIA

O Concello de O Pino comeza unha nova edición do programa

“Verán por Parroquias”

O Pino, 2 de xullo de 2008.- Tralo éxito colleitado na primeira edición, celebrada o pasado verán, a Concellería de Educación e Cultura vén de poñer en marcha unha nova entrega do programa “Verán por parroquias”. A iniciativa, que comeza o luns, consiste na realización de diferentes xogos e talleres nas trece parroquias do Concello de O Pino, co obxectivo de achegar aspectos lúdico-culturais a tódolos veciños do municipio, sobre todo a aqueles que non dispoñen de medios para desplazarse. Ademais do habitual programa de verán, que inclúe cine, concertos, festas e actividades deportivas, está o “Verán por Parroquias”.

A cita comeza o luns, cando os monitores se despracen ó local social de Lardeiros, onde estarán tamén o martes, xa que as actividades desenvolvénse dous días en cada parroquia. Os días 9 e 10 irán a Pastor, o 14 e 15 a Medín; de aí a Gonzar, onde estarán os días 16 e 17 de xullo. En Budiño recalarán o 23 e 24, en O Pino os días 28 e 29, e en Castrofeito, os días 30 e 31 de xullo. Xa en Agosto, tócalle o turno a Pereira os días 4 e 5, en Arca estarán o 6 e o 7, en Cebreiro o 11 e o 12, a Cerceda irán os días 13 e 14, e por último, a Ferreiros, os días 18 e 19 de agosto. As actividades son para tódolos públicos, e realízanse entre as 10:00 da mañá e a 1 da tarde.

CALENDARIO:

XULLO                                   AGOSTO

7 e 8 : LARDEIROS         4 e 5: PEREIRA

9 e 10: PASTOR              6 e 7: ARCA

14 e 15: MEDÍN               11 e 12: CEBREIRO

16 e 17: GONZAR           13 e 14: CERCEDA

23 e 24: BUDIÑO             18 e 19: FERREIROS

28 e 29: O PINO

30 e 31: CASTROFEITO

HORA: 10:00-13:00 horas

LUGAR: Locais Sociais

O Concello de O Pino traslada a biblioteca pública ao Centro Sociocultural Luis Seoane

O Pino, 2 de xullo de 2008.- O Centro Sociocultural Luis Seoane, ubicado nas inmediacións do CPI Camiño de Santiago e do polideportivo municipal, acolle xa as dependencias da Biblioteca Pública do Concello de O Pino. Unha sala ubicada na parte traseira do inmoble, a carón do novo Centro de Saúde, é o enclave escollido para a ubicación da colección de libros que están a disposición dos veciños do municipio, tanto para consulta en sala como para o préstamo de volumes. A decisión tomouse tras quedar pequeño o espazo destinado a tal fin na Casa do Concello. Agora, onde antes estaba a biblioteca, permanecerá a Aula de Informática, de acceso libre e completamente gratuito.

A Biblioteca Pública abre tódolos días, durante o verán, de 10 a 11 da mañán. Polas tardes, os veciños desfrutarán dunha novidade, que é a Bibliopiscina. De luns a xoves, de 17:00 a 19:00 horas, os usuarios da piscina municipal desfrutarán da lectura de libros adaptados ás súas idades, e de pasatempos relacionados coa lectura. Haberá un monitor especializado, que irá renovando as obras cos fondos municipais. En canto á Aula de Informática, permanecerá aberta tódolos días de 11:00 a 14:00 horas, así como os martes e xoves, de 16:30 a 20:00 horas.

As novas instalacións da Biblioteca Pública municipal disporán dun espazo adicado aos máis pequenos, con xogos adaptados ás idades. Existe un importante fondo de consulta, con enciclopedias especializadas e obras de referencia en varios ámbitos. Ademais, a Concellería de Cultura está impulsando unha renovación de fondos, coa incorporación das últimas novidades editoriais.

Gran éxito da excursión á Ribeira Sacra organizada pola Concellería de Cultura de O Pino

Finalmente foron 55 os veciños de O Pino os que se decidiron a participar nunha das varias excursións programadas para este curso pola Concellería de Educación e Cultura. Desta volta a viaxe dirixiuse á Ribeira Sacra, con varias paradas lúdico-culturais. En primeiro lugar, a comitiva tivo o privilexio de asistir á demostración práctica da elaboración da cerámica de Gundivós, para partir logo ao Mirador de Cadeiras, unha das vistas máis espectaculares do concello de Sober. Tralo pertinente xantar, os veciños desfrutaron dun relaxado paseo en catamarán polo Río Sil, seguido unha pequena ruta de sendeirismo e a visita a unhas adegas, onde puideron degustar os afamados caldos da zona. En tódolos lugares, o grupo, capitaneado pola tenente alcalde, María Xosé Gómez, a concelleira de Servizos Sociais, Carmen Francos, e pola animadora sociocultural, Ana Vigo, estivo guiado por expertos que foron explicando as claves dos puntos a visitar polos veciños.

Ante a gran resposta positiva por parte dos asistentes, o departamento antes citado traballa xa na organización de futuras visitas, que contribúan tanto á convivencia entre residentes en O Pino-moitas veces interxeneracional- así como a contribuir á difusión de riquezas artísticas e patrimoniais entre os que tomen parte deste tipo de iniciativas.

O Concello de O Pino nomea ao intelectual Luis Seoane Fillo Predilecto a Título Póstumo

Dende o pasado sábado, 31 de maio, Luis Seoane López, intelectual galeguista e un dos artistas máis prolíficos no exilio, forma parte da historia do Concello de O Pino, tras ser nomeado Fillo Predilecto do municipio, tras así decidilo o pleno municipal. O acto simbólico contou coa presenza de destacadas figuras do panorama cultural galego actual: o escritor Xosé Neira Vilas, o intelectual e amigo persoal de Seoane, Isaac Díaz Pardo, así como o presidente da Fundación Penzol e director da Editorial Galaxia, Víctor Fernández Freixanes.

Todos coincidiron en resaltar o forte vencellamento que unía a Luis Seoane co concello de O Pino, sobre todo con Arca, de onde era orixinaria a súa nai, e onde viviu boa parte da súa infancia e xuventude. Aínda hoxe en día está en pé a casa que fixeron seus pais, xusto diante do albergue de peregrinos do Pedrouzo (Arca). Existen ademais numerosas fotografías que testemuñan esa importante relación co municipio. Así o reflectiu tamén en escritos e debuxos, como o Gaiteiro de Arca. Dende o sábado, ademais do nomeamento, unhas frases do manuscrito "Cierro los ojos y veo", onde fai referencia a Arca, están plasmadas no hall da Casa da Cultura, que dende o sábado se pasa a denominar Centro Sociocultural Luis Seoane, como parte da homenaxe ao intelectual.

Durante a súa intervención, o alcalde de O Pino, Manuel Taboada, ademais de resaltar que O Pino está comenzando a saldar a débeda moral que tiña con personaxes como Xesús Canabal ou Luis Seoane, animou á clase política, aos empresarios e ós axentes culturais a incrementar o seu diálogo, para que Galicia saiba aproveitar as súas potencialidades. A xuízo do rexidor de O Pino,   "ás veces os políticos podemos dar a impresión de que só actuamos “na contra de”. E iso non é así. Reivindicar Galicia, defender o que somos, non é algo único e característico dunha determinada forza política. A ideoloxía cambia pero o obxectivo non. Esa finalidade que debemos ter todos é a de defender, coidar e potenciar a nosa rexión e a súa cultura. Para min, unha das claves está en impulsar e axudar ó empresariado. Así, entre todos, seriamos capaces de artellar unha Galicia forte, unida e con espíritu competitivo. E deixar á marxe, dunha vez por todas, personalismos e loitas estériles que o único que fan é estancarnos no camiño do avance e o progreso."

  O escritor Manuel Losa presenta este venres en Arca dous libros autobiográficos sobre a emigración

O Pino, 26 de maio.- A Casa da Cultura do Concello de O Pino é o enclave elixido para que o editor e escritor Manuel Losa Rocha presente este venres, ás 20:00 horas, os seus libros O vendedor de libros e Relato dun emigrante. Son dúas obras publicadas por este polifacético home, compostelán de nacemento, pero uruguaio de adopción, xa que alí reside e alí discurriu practicamente toda a súa vida, dende que se viu obrigado a emigrar cando aínda era un rapaz, con só 13 anos. A Losa úneo un vencellamento especial con O Pino, posto que foi el quen deu o paso de escribir unha obra sobre a figura de Xesús Canabal, empresario galeguista que foi nomeado Fillo Predilecto do Concello en outubro de 2006. Libro do que tamén se falará no acto do vindeiro venres, ó que tamén asistirán unha filla e varias netas de Canabal.

No primeiro dos libros, Relato dun emigrante...de Santiago de Compostela a Montevideo, o autor fala da súa infancia, das lembranzas da capital de Galicia na Rúa Rosalía de Castro, onde seu pai tiña unha reloxería, a dureza previa á partida, a viaxe ata Urugai no buque “Juan de Garay”, así como da súa evolución, os empregos...etc. Tamén nos relata aspectos da vida montevideana da época, da súa implicación na vida cultural, posto que foi membro do consello directivo do Centro Galego de Montevideo e socio fundador do Patronato da Cultura Galega. Asemade, integrou o consello directivo da Asociación de Empresarios Galegos de Uruguai.

Na súa segunda obra, O vendedor de libros, Losa Rocha fai referencia á súa vida laboral, ás moitas dificultades que tivo que superar para atopar, por fin, a súa profesión definitiva: a de libreiro, que aínda hoxe exerce. Ambas obras están plagadas de anécdotas e vivenzas, que nos levan de Galicia a Montevideo, nun percorrido que abarca os últimos cincuenta anos.

O acto, que contará coa presenza do alcalde, Manuel Taboada, e coa lectura dunha colaboración escrita para Manuel Losa por Xosé Neira Vilas, vai ter lugar o venres, ás 8 da tarde, no Auditorio da Casa da Cultura, con entrada libre.

  O Concello de O Pino nomea a Luis Seoane como Fillo Predilecto a título póstumo o vindeiro sábado 31 de maio

O Pino, 22 de maio.- O Auditorio da Casa da Cultura de O Pino acollerá, o sábado 31, o acto de nomeamento de Luis Seoane como Fillo Predilecto de O Pino, entregado a título póstumo. A iniciativa foi aprobada nun pleno celebrado o pasado 26 de marzo, a proposta da Concellería de Educación e Cultura, e cos votos a favor dos tres grupos municipais, que coincidiron en resaltar a importante relación que Seoane tivo con O Pino, en concreto con Arca, plasmada en debuxos e textos. A pesar de non ter nacido no concello, súa nai sí era de Arca, e el pasou nesta parroquia boa parte da súa infancia e xuventude. Cando volveron de Bos Aires-tiña Seoane 6 anos-seus pais herdaron unha leira en Arca e construíron a casa familiar-que aínda hoxe está en pé- xusto diante de onde se ubica o Albergue de Peregrinos do Pedrouzo. Un inmoble que lles foi arrebatado na Guerra Civil, por pertenceren ó bando republicano.

Os actos de homenaxe terán lugar o sábado, 31 de maio, ás 12 do mediodía na Casa da Cultura. Intervirán, ademais do Alcalde, Manuel Taboada, un home que é toda unha referencia na cultura galega e ademais foi amigo de Seoane, Xosé Neira Vilas, que suple a ausencia doutro dos grandes amigos do galeguista, Isaac Díaz Pardo, a quen as súas obrigas no Padroado do Museo do Pobo Galego impiden a asistencia a esta cita. Tamén intervirá o profesor e director de Galaxia, Víctor Freixanes. Ás súas intervencións hai que sumar o descubrimento do nome que, a partires desa data, terá a Casa da Cultura, que oficialmente pasará a denominarse como Centro Sociocultural Luis Seoane.

Queda así testemuña da importante e constante relación que Seoane tivo con Arca, con, ademais da etapa vivida aquí, constantes visitas unha vez rematado o seu exilio. Boa proba diso é o manuscrito “Cierro los ojos y veo”, que escribiu no ano 1978, apenas un antes de morrer, e onde pón de manifesto as súas orixes. Un texto que tamén contén algúns debuxos do autor, relacionados con Arca e co seu entorno. Seoane estaba emparentado coa coñecida familia Brey; unha tía del foi a avoa de Mariano Rajoy, e outro dos seus tíos, Vicente López, chegou a ser Alcalde de Santiago.

Texto do manuscrito "CIERRO LOS OJOS Y VEO":

Habitan en La Coruña y no saben que los viejos de su infancia decían a los niños que desde la península de la Torre, en la misma ciudad se podía ver en los días claros la cosa de Irlanda. Quizás nunca lo supieron. Yo, sé eso. Lo recuerdo. También sé que cerrando los ojos veo cuando quiero una aldea, Arca, y a la misma aldea rodeada de montañas, de minas, de bosques y labradíos, y al pie de ellas un río transparente, de truchas que se ven correr amedrentadas por las sombras. Un río transparente en el que nadan las libélulas y en el barro de sus orillas se esconden las anguilas. Recuerdo los pobladores y sus trabajos. Era una aldea de músicos y gaiteros. Había dos bandas de música. Algún campesino emigraba y otros se hacían navegantes. Se ejercían los oficios elementales. En los bosques abundaba el jabalí y en las orillas del río la marta y por todas partes la comadreja y la ardilla. En el aire o posados en los árboles una multitud de pájaros.

Cierro los ojos y veo Arca. A ver Arca con los ojos cerrados me conduce la nostalgia. Como puedo ver Irlanda si cierro los ojos, para ello me bastan la historia y el sonido del mar. Puedo evocar todo aquello que vivi u oí y lo que conozco a través de otros.

Es curioso lo que ven por no querer ver algunas personas. Yo cierro los ojos y veo lo que quiero. Alguna vez creí percibir incluso el olor de aquel mar o el de aquella aldea.

También alguna vez quise ver la costa irlandesa de que hablaban los viejos coruñeses y no busqué el horizonte despejado de un buen día claro abriendo más los ojos que cualquier otro día, sino que me bastó cerrar los ojos para verla y, sin embargo era una tarde de espesa niebla.

Estos personajes que hoy evoqué, cerrando los ojos, los acabo de dibujar.

SEOANE, 10-VIII-78

     DÍA DAS LETRAS GALEGAS 2008

Con motivo da celebración do Día das Letras Galegas 2008 o Concello organizará unha serie de actividades culturais de acceso libre e gratuitas, para exaltar a figura de D. Xosé  María Álvarez Blázquez, escritor galego nado en Tui (Pontevedra) o cal se adica esta festividade tan característica da Cultura Galega.

PROGRAMACIÓN SÁBADO 17 DE MAIO

EXCURSIÓN Á RIBEIRA SACRA

O Concello de O Pino, a través da Concellería de Educación e Cultura, organiza unha viaxe o sábado, 14 de xuño. Os menores de 13 anos necesitan ir acompañados dun adulto responsable, e todos os menores de idade necesitan cubrir unha autorización.

A viaxe consiste en: Saída ás 08:00 da Praza do Concello (Pedrouzo-Arca), con destino Monforte de Lemos. Visita demostración de Cadeiras, xantar, ruta en Catamarán polos Cañóns do Sil e visita con degustación do Viño de Amandi nunha bodega. Regreso aproximado ás 22:30 horas.

O custo da viaxe á de 25€ para as persoas empadroadas neste Concello, e de 35€ para o resto. Inclúe entradas e xantar. O autobús subvenciónao o Concello.

As persoas interesadas poden inscribirse na Biblioteca Municipal, sita na Praza do Concello, antes do 30 de maio, en horario de luns a venres de 12 a 14 horas, e de 17 a 20; ou ben os sábados de 12 a 13 horas. Tamén chamando á Casa da Cultura, no teléfono 981 51 10 65.

O Pino, 23 de abril de 2008

                                                           O Alcalde

Manuel Taboada Vigo

IV FESTIVAL DE BANDAS NO CONCELLO DE O PINO

A Casa da Cultura é o escenario onde, o domingo 4 de maio, poderemos desfrutar da música de tres bandas galegas. Trátase do IV Festival de Bandas, organizado pola Banda de Música de Arca, en colaboración co Concello de O Pino. Ademais dos anfitrións, estarán no Auditorio do recinto a Banda de Música de Arzúa e a Banda de Música Recreativa e Cultural de Bandeira. Será a partir das 18:30 horas, con entrada libre.

A Banda de Música de Arca, que dirixe José Mª Blanco Pampín, continúa así coa súa andaina, levando a bo porto este Festival, que cada vez vai gañando máis adeptos dentro e fóra do concello. Para máis información sobre a Banda ou sobre os seus concertos, pódese visitar a web www.bandadearca.com.

REPRESENTACIÓN DE "PINOCHO", O VENRES, ÁS 12:30, NA CASA DA CULTURA

A Concellería de Educación e Cultura programa, para este venres, 25 de abril, unha sesión de títeres como unha das actividades previstas co gallo da celebración, o mércores, do Día do Libro. Os profesionais de Títeres Cachirulo serán os encargados de que os rapaces se deleiten con todo un clásico da literatura, Pinocho. A obra vaise desenvolver no Auditorio da Casa da Cultura, ás 12:30 horas. Está previsto que participen os rapaces de Infantil e Primaria do CPI Camiño de Santiago, así comos os nenos que estudan nas unitarias de Gonzar, Castrofeito e Ferreiros.

CAMPAMENTOS DE VERÁN 2008

D. Manuel Taboada Vigo, Alcalde-Presidente do Concello de O Pino

INFORMA: Que a Vicepresidencia da Igualdade e do Benestar acaba de convocar a Orde do 13 de marzo de 2008 para solicitar as prazas xuvenís dentro do programa Campaña Verán 2008. Poderán solicitar as prazas os mozos/as que cumpran os seguintes requisitos:

• Os nacidos no ano 90 non poderán cumprir 18 anos antes da finalización do campamento concedido.

• Os nacidos no ano 99 deberán ter cumpridos 9 anos ao inicio do campamento concedido.

SUBVENCIÓN: O Concello destina 500 € de orzamento para subvencionar proporcionalmente ao total de solicitantes. A estes efectos, unha vez concedido o campamento, deberán presentar a carta de admisión da Xunta para solicitar a subvención no Concello e estar empadroados neste.

As bases para a concesión da subvención polo Concello e a documentación a presentar publicarase no BOP, no taboleiro de anuncios e na páxina web do Concello.

PRAZO: O prazo para solicitar as prazas á Xunta de Galicia remata o vindeiro día 11 de abril.

SOLICITUDE: Os impresos poderanse descargar e cubrir directamente desde a páxina web: www.xuventude.net ou ben pedilos na Oficina de Información Xuvenil (localizada na Biblioteca Municipal deste Concello) e asinalos os/as pais/nais ou titores dos menores solicitantes. Deberán presentalos no Rexistro Xeral da Vicepresidencia da Igualdade e Benestar, por correo ordinario ou a través do Rexistro do Portelo Único deste Concello (nos dous últimos casos deberán remitir, unha vez rexistrada, unha copia da solicitude ao Fax. 981 545 843).

O Pino, 25 de marzo de 2008

O ALCALDE

D. MANUEL TABOADA VIGO, ALCALDE-PRESIDENTE DO CONCELLO DE O PINO (A CORUÑA)

INFORMA

Que a Concellería de Educación e Cultura abre a convocatoria para anotarse a unha

VISITA ÁS OBRAS DA CIDADE DA CULTURA

A visita vai ter lugar o sábado, 10 de Maio. Comeza ás 10:00 horas e remata ás 11:30. O Concello facilita o transporte. Recoméndase levar roupa de abrigo e calzado cómodo. Permítese acceder con cámaras de fotos e vídeo.

Os interesados poden inscribirse ou recibir máis información na Biblioteca Municipal, en horario de 11:30 a 14:00 horas e de 16:30 a 20:00 horas de luns a venres, así como os sábados pola mañán. Ou ben chamando á Casa da Cultura, no teléfono 981 51 10 65. O número máximo de inscritos é de 25 persoas. Se a demanda é maior, organizarase outra visita con outra data. Terán prioridade os primeiros 25 inscritos.

O proxecto forma parte do Plan de Mellora da Calidade Turística de Portodemouros e del forman parte once concellos

Empresarios e hosteleiros de O Pino participan no programa para lograr o distintivo de Calidade Turística

O Pino, 4 de marzo de 2008.- Máis dunha ducia de empresarios do Concello de O Pino están participando nas sesións que se levan a cabo na Casa da Cultura (Arca) dentro do Modelo de Aproximación á Calidade Turística (MACT). É unha das accións incluídas en Terras de Ulla e Tambre-Plan de Mellor da Calidade Turística de Portodemouros. Unha iniciativa na que participa O Pino e que conta co financiamento da Deputación da Coruña, a Consellería de Innovación e Industria, o Ministerio de Industria, Turismo e Comercio así como a Unión Europea, a través dos Fondos Feder.

Esta acción concreta consiste nunha serie de sesións teórico-prácticas, acompañadas de visitas dos técnicos ós establecementos que se quixeron sumar, para ir adaptando coñecementos que redunden nunha mellor atención ó cliente, elevando a calidade dos servizos e dos productos ofertados. Son catro sesións que inclúen unha parte teórica e a realización de obradoiros, con asesoramento personalizado unha vez que rematen, nos propios locais. De O Pino participan responsables de hoteis, casas de turismo rural, pensións, restaurantes e bares. Trátase dunha iniciativa completamente gratuíta para os asistentes, que sí teñen a oportunidade de acadar o distintivo antes mencionado, que complementa outros que xa poidan existir, como por exemplo a Q de Calidade.

O obxectivo dos profesionais que desenvolven as xornadas (a próxima é o martes, 11 de marzo) é que este verán tódolos participantes teñan xa o seu diploma de calidade, que servirá de referencia para tódolos turistas e visitantes da zona. Os establecementos adheridos de O Pino súmanse ós case 80 que están a participar na iniciativa dentro dos once concellos ós que atinxe. Outra das finalidades, ademais de mellorar os estándares de calidade, é que o visitante se atope ante un destino concreto, consolidando estas Terras de Ulla e Tambre (porque os once concellos están entre as dúas concas dos ríos) como unha referencia. De aí que o propio Plan inclúa, ademais destas sesións, outras accións como a divulgación da gastronomía da zona, unha importante mellora da sinalización-coa delimitación de rutas de sendeirismo, a colocación de puntos de información turística en tódolos concellos (en O Pino estará no exterior da Casa do Concello) ou a creación dunha imaxe de marca. En total, o Plan conta cun orzamento de 1.200.000€, distribuidos en catro anualidades, ata o 2009.

ENTROIDO 2008

IX CONCURSO DE CARTEIS

BASES

I.- Poden participar tódolos rapaces do Concello de O Pino.

II.- Os carteis serán en tamaño folio (DIN A4) e deberán levar a lenda “O Pino, Entroido 2008”.

III.- O prazo de presentación dos carteis remata o venres, día 18 de xaneiro. Deben presentarse no Concello de O Pino ou ben no CPI Camiño de Santiago. Teñen que levar no reverso o nome, idade, enderezo e teléfono do autor.

IV.- Outorgaránse dous premios, nas seguintes categorías:

1ª Categoría: rapaces ata 11 anos.

2ª Categoría: rapaces de 12 a 17 anos.

V.- Os premios consistirán en dous lotes de libros en galego e en xogos adaptados ás idades.

VI.- Os premios entregaranse o domingo día 3 de febreiro, durante o Concurso de Disfraces.

VII.- A selección dos carteis premiados realizarase a proposta dun xurado presidido polo Alcalde.

VIII.- O cartel premiado será o que se utilice para anunciar o Entroido por todo o concello.

O Pino, xaneiro de 2008

ENTROIDO 2008

X CONCURSO DE DISFRACES

BASES

I.- Poden participar tódalas persoas, asociacións, agrupacións que acudan disfrazados o día do concurso.

II.- Os participantes deberán anotarse na praza do concello o mesmo día do concurso pola tarde, a partir das 16:00 horas.

III.- O concurso terá lugar o domingo día 3 de febreiro a partires das cinco da tarde na Praza do Concello (Arca). En caso de choiva celebrarase no Polideportivo municipal.

IV.- Outorgarase un premio por categoría:

1ª Categoría: Disfraz infantil Premio: 90 euros

2ª Categoría: Disfraz de parella Premio: 150 euros

3ª Categoría: Disfraz de grupo Premio: 200 euros

4ª Categoría: Disfraz individual Premio: 120 euros

5ª Categoría: Disfraz comparsa Premio: 400 euros

Nota: Tódolos rapaces de ata 10 anos terán un agasallo se van disfrazados e figuran inscritos no concurso.

V.- As comparsas terán que ter polo menos 10 membros para poder participar.

VI.- A selección dos gañadores realizarase a proposta dun xurado composto por persoal alleo ó Concello de O Pino.

O Pino, xaneiro de 2008

NADAL LÚDICO-CULTURAL

• 2 decembro. TEATRO. Asociación Cultural O Marañao representa “O achado do castro”. 19:30 horas, Casa da Cultura.

• 16 decembro. TEATRO. Teatro Atlántida de Matamá representa “O polbo morto”. 19:30 horas, Casa da Cultura.

• 21 decembro. Festival de Nadal do CPI Camiño de Santiago. Casa da Cultura.

• 23 decembro. CONCERTO DE NADAL da Banda de Música de Arca. 20:00 horas. Casa da Cultura.

• 27 decembro. NADAL LÚDICO. Torneo de badminton. Obradoiro de maquillaxe. Inchables. Música ambiente. Polideportivo municipal. 16:30-19:30 horas.

• 28 decembro. NADAL LÚDICO. Basket 3x3. Obradoiro de barro. Inchables. Música ambiente. Polideportivo municipal. De 16:30-19:30 horas.

• 28 decembro. II CIRCUITO GALEGO DE MAXIA. Mago Cali, Mago Pablo, Mago Norberto, Mago Richard e Mago Vituco. 20:00 horas. Casa da Cultura.

• 29 decembro. NADAL LÚDICO. Fúbtol 3x3. Obradoiro de globoflexia. Inchables. Música ambiente. Polideportivo municipal. De 16:30-19:30 horas.

• 29 decembro. CONCERTO DO CORO DE ARCA e amigos: Coro de Touro, Coro de Lavacolla, Coro de Castrosúa e a cantante Carmen Dor. 20:00 horas. Casa da Cultura.

• 30 decembro. TEATRO. Grupo de Teatro da Biblioteca de Antas de Ulla. “Indíxenas na cidade”. 19:30 horas. Casa da Cultura.

• 4 xaneiro. XOGOS COS CONTOS. Para rapaces de ata 13 anos. Casa da Cultura. 18:00 horas.

• 5 de xaneiro. CABALGATA DE REIS. Percorrido por tódalas parroquias. Gran festa no Polideportivo a partir das 19:00 horas.

CABALGATA DE REIS

PERCORRIDO DA COMITIVA, Sábado 5 xaneiro

Saída da Praza do Concello ás 11:15 horas, chegando a PEREIRA ás 11:30 ó Campo de Festas; CASTROFEITO ás 11:45 ó lado da Igrexa; BUDIÑO ás 12:15 no Campo de

 Festas; O PINO ás 12:30 no Campo de Festas; GONZAR ás 12:50 no Campo de Festas; MEDÍN ás 13:15 no Campo de Festas; PASTOR ás 13:30 no Campo de Festas e

 LARDEIROS ás 13:45 no Campo de Festas.

Pola tarde, chegada a SAN BREIXO ás 17:00 horas no Campo de Festas; SAN MAMEDE ás 17:20 ó Campo de Festas; SAN MIGUEL DE CERCEDA ás 17:45 ó lado da

 Igrexa e CEBREIRO ás 18:00 no Campo de Festas.

En caso de choiva, as SS.MM. De Oriente chegarán ós locais sociais de Pereira, Budiño, O Pino, Gonzar, Pastor, Medín, Cerceda e Cebreiro ás mesmas horas antes

 indicadas. No resto das parroquias irán ós seguintes lugares: Castrofeito (Local Social da Escola de Santiso); Lardeiros (Local Social da Escola do Marquiño), San Breixo

 (Teleclube) e San Mamede (Local baixo o palco da festa).

                                                                                             A partir das 17:00, inchables no polideportivo municipal.

ÁS 19:30 CHEGADA DAS SS.MM. DE ORIENTE Ó POLIDEPORTIVO MUNICIPAL DE ARCA

SERVIZO DE AUTOBUSES GRATUITO:

1 AUTOBÚS-SAÍDA: 16:00 de PASTOR (Petón), pasando por Igrexa-Gándara, MEDÍN (Cimadevila), LARDEIROS