A Casa Consistorial ubícase nestes momentos e desde hai máis de setenta anos, en Arca. O rexistro que asinou a mediados do século XIX Pascual Madoz situábanos o edificio municipal, sen espazo físico propio, na freguesía de San Vicenzo do Pino. Posteriormente se trasladou ó actual albergue de Santa Irea, e a un edificio ubicado en Arca. Trátase dun inmoble situado fronte ó actual albergue de Arca, e construído nos seus inicios por Luis Santiago Seoane e María López, pais do coñecido e polifacético galeguista Luis Seoane.
 

Na actualidade a casa do concello ten sede propia tamén en Arca. Trátase dun edificio moderno, de tres alturas e cuberta mixta. O principal motivo da aparencia da fachada principal é a potente liña de balcón que aparece na segunda planta. Predomina o movemento volumétrico que artella as diferentes pezas. A porta principal, situada nun dos laterais, conta cun soportal que se forma ó retranquear a liña de fachada na planta baixa uns tres metros. O voado da cuberta sobre o balcón principal, que leva tras si toda a liña de cornixa, contribúe a destacalo de maneira decisiva.

O escudo reflicte esta árbore, ó igual que os selos municipais. Neste último epígrafe axúdanos a historia. Remontámonos ó 30 de agosto do ano 1876. Foi o día no que o Gobernador Civil da Coruña remite ó xefe do A.H.N. as contestacións recibidas dos alcaldes da súa provincia sobre os selos que usarán e viñan usando. O de San Vicenzo do Pino comunica ó Gobernador, o 11 de outubro de 1876, que lle remite estampados os selos do concello. O primeiro foi adquirido no ano 1845.